అనుకున్నదే అవుతోంది. శంకర్ – రామ్చరణ్ – దిల్ రాజు కాంబినేషన్లో రూపొందుతున్న సినిమా నిరవధికంగా ఆగిపోబోతోంది. ఓ సినిమా మొదలుపెడితే పూర్తయ్యేంతవరకు ఆ సినిమా మీదే ఉండే శంకర్ ఇప్పుడు ఈ సినిమాకు బ్రేక్ ఇచ్చి మరో సినిమా చేయబోతున్నారు. శంకర్ – కమల్ హాసన్ కాంబినేషన్లో మొదలై ఆగిపోయిన ‘ఇండియన్ 2’ సినిమా షూటింగ్ను తిరిగి ప్రారంభించాలని అనుకున్న విషయం తెలిసిందే. దీని కోసమే చరణ్ సినిమా ఆపేస్తున్నారట.
‘ఇండియన్ 2’ సినిమా షూటింగ్ త్వరలో ప్రారంభిస్తామని ఆ మధ్య కమల్ హాసన్ చెప్పిన విషయం తెలిసిందే. ‘విక్రమ్’ సినిమా ప్రచారంలో భాగంగా కమల్ ఈ వ్యాఖ్యలు చేశారు. దీంతో చరణ్ సినిమా అయ్యాక ‘ఇండియన్ 2’ స్టార్ట్ చేస్తారేమో అనుకున్నారు. అయితే రెండు సినిమాలూ పారలల్గా జరుగుతాయని మరో మాట వినిపించింది. దీంతో హమ్మయ్య అని అనుకున్నారు చరణ్ అభిమానులు. అయితే ఇప్పుడు ‘ఇండియన్ 2’ కోసం చరణ్ సినిమా షూటింగ్ కొన్ని రోజులు ఆపేస్తారని అంటున్నారు.
‘ఇండియన్ 2’ సినిమా మళ్లీ మొదలు అనే విషయం చెప్పింది కాజల్. ఇటీవల ఇన్స్టాగ్రామ్లో ఆమె మాట్లాడుతూ సెప్టెంబరు 13 నుండి ‘ఇండియన్ 2’ షూటింగ్ ప్రారంభిస్తారని, అందులో పాల్గొనడానికి ప్రణాళికలు చేసుకుంటున్నానని చెప్పింది. దీంతో చరణ్ సినిమా పరిస్థితి ఏంటి అనే ప్రశ్న వచ్చింది. అయితే ఆగస్టు 15న చరణ్ లుక్ కానీ, టీజర్గానీ విడుదల చేస్తారు అని అన్నారు. ఆ తర్వాత కొత్త షెడ్యూల్ ఉంటుంది అని కూడా ఉన్నారు.
తెలుగులో చిత్రీకరణలు ఆగిపోవడంతో… ఆ షెడ్యూల్ ఉంటుందా లేదా అనేది తెలియడం లేదు. ఆ షెడ్యూల్ తర్వాత చరణ్ లుక్లో మార్పులు అవసరమని, చరణ్ ఆ లుక్లోకి మారడానికి పట్టే సమయంలో శంకర్ ‘ఇండియన్ 2’ సినిమా షూటింగ్ పూర్తి చేస్తారని కూడా చెబుతున్నారు. అయితే లుక్ ఛేంజ్కి అన్ని రోజులు పడుతుందా అనేది తెలియాలి. అన్నట్లు ఈ సినిమాకు ఇప్పటికే చాలా టైటిల్స్ వినిపించాయి. తాజాగా ‘సీఎం’ అనే పేరు వినిపిస్తోంది. సీఎం అంటే కామన్ మ్యాన్ అని అర్థమట.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
