హైదరాబాద్ లో ఫిల్మ్ స్టూడియో నిర్మించే పనిలో రామ్ చరణ్

“నటనలో హద్దులే కాదు.. నిర్మాణంలో పొద్దులు కూడా చరణ్ కి బాగా తెలుసు” అని మెగా స్టార్ చిరంజీవి ఖైదీ నంబర్ 150 ప్రీ రిలీజ్ వేడుకలో తనయుడిని అభినందించారు. చిరు 150 వ చిత్రంతో నిర్మాతగా మారిన చెర్రీ ఆ బాధ్యతలను చక్కగా నెరవేర్చారు. విజయాన్ని సొంతం చేసుకున్నారు. ఇప్పుడు ఫిల్మ్ స్టూడియోని నిర్మించాలనే ఆలోచనలో ఉన్నారు. “హైదరాబాద్ లో ఫిల్మ్ స్టూడియో నిర్మించాలన్నది చరణ్ కల. అయితే పెద్ద స్టూడియో కాదు.. ముంబై లోని మెహబూబ్ స్టూడియో మాదిరిగా ఉండాలని అయన ఆలోచన. అందుకు తగిన స్థలాన్ని నగరంలో వెతికి పట్టుకున్నాం. ఇక చరణ్ ఓకే చేయాల్సి ఉంది” అంటూ చరణ్ మిత్రులు వెల్లడించారు.

ఆ స్టూడియో ప్లేస్ ని చెప్పడానికి నిరాకరించినా, అది శంషాబాద్ ఎయిర్ పోర్ట్ కి చాలా  దగ్గర్లో ఉంటుందన్నారు.  హైదరాబాద్ పోలో అండ్ రైడింగ్ క్లబ్, టర్బో మేఘ ఎయిర్వేస్ ప్రైవేట్  లిమిటెడ్ లను ద్విగ్విజయంగా నడిపిస్తున్న మెగా పవర్ స్టార్ ఫిల్మ్ స్టూడియోని కూడా లాభాల బాటలో తీసుకొస్తాడనడంలో ఎటువంటి సందేహం లేదు.

Also, do SUBSCRIBE to our YouTube channel to get latest Tollywood updates.