సినీ నటుడు రామ్ చరణ్ ప్రస్తుతం హీరోగా ఎంతో మంచి సక్సెస్ అందుకొని ఇండస్ట్రీలో ఎంతో బిజీగా ఉన్నారు. ఈయన రాజమౌళి దర్శకత్వంలో నటించిన RRR సినిమా ద్వారా పాన్ ఇండియా స్థాయిలో గుర్తింపు సంపాదించుకున్నారు. దీంతో తదుపరి సినిమాలన్నింటిని కూడా పాన్ ఇండియా స్థాయిలోనే ప్రేక్షకుల ముందుకు తీసుకురావడానికి సిద్ధమవుతున్నారు. ఈ క్రమంలోనే చరణ్ శంకర్ సినిమా షూటింగ్ పనులలో బిజీగా ఉన్నారు. స్టార్ డైరెక్టర్ శంకర్ దర్శకత్వంలో దిల్ రాజు నిర్మాణంలో ఎంతో ప్రతిష్టాత్మకంగా తెరకెక్కుతున్న గేమ్ చేంజర్ అనే సినిమా ద్వారా ప్రేక్షకుల ముందుకు రావడానికి చరణ్ సిద్ధమవుతున్నారు.
ఈ సినిమా పాన్ ఇండియా స్థాయిలో విడుదల కానుంది అయితే ఇప్పటికే ఈ సినిమా షూటింగ్ పనులన్నీ పూర్తి కావాల్సి ఉండగా కొన్ని కారణాలవల్ల ఈ సినిమా షూటింగ్ ఆలస్యం అవుతూ వస్తుంది. ఇలా కెరియర్ పరంగా ఎంతో బిజీగా ఉన్నటువంటి చరణ్ వ్యక్తిగత జీవితంలో కూడా ఎంతో సంతోషంగా ఉన్నారు. సోషల్ మీడియా వేదికగా చరణ్ తరచూ తన ఫ్యామిలీకి సంబంధించిన విషయాలతో పాటు తన సినిమాలకు సంబంధించిన అప్డేట్స్ కూడా తెలియజేస్తూ ఉంటారు.
అయితే తాజాగా ఈయన సోషల్ మీడియా వేదికగా షేర్ చేసినటువంటి ఒక ఫోటో వైరల్ గా మారింది. ఇందులో భాగంగా రామ్ చరణ్ మరొక గుర్రాన్ని కొనుగోలు చేశారని తెలుస్తుంది. ఇలా గుర్రంతో కలిసి దిగినటువంటి ఫోటోని సోషల్ మీడియా వేదికగా షేర్ చేస్తూ తన కొత్త ఫ్రెండ్స్ బ్లేజ్ అంటూ అందరికీ పరిచయం చేశారు. రామ్ చరణ్ కు గుర్రాలు అంటే చాలా ఇష్టం అనే విషయం మనకు తెలిసిందే. ఈయన సినిమాలలోకి రాకముందే హార్స్ రైడింగ్ నేర్చుకున్నారు.
ఇదివరకే ఈయన దగ్గర బాద్షా, కాజల్ అనే గుర్రాలు కూడా ఉన్న సంగతి తెలిసిందే. ఇలా ముందుగానే హార్స్ రైడింగ్ నేర్చుకోవడం వల్ల ఈయనకు మగధీర సినిమాలో చాలా సులభంగా నటించాను అనే విషయాలను వెల్లడించారు. అయితే తాజాగా మరొక గుర్రాన్ని కూడా ఈయన కొనుగోలు చేశారని దానికి బ్లేజ్ అని పేరును కూడా పెట్టినట్టు ఈ సందర్భంగా చరణ్ (Ram Charan) ఈ ఫోటోని షేర్ చేస్తూ అందరికీ పరిచయం చేశారు. ప్రస్తుతం ఈ ఫోటో వైరల్ గా మారింది.
స్కంద సినిమా రివ్యూ & రేటింగ్!
చంద్రముఖి 2 సినిమా రివ్యూ & రేటింగ్!
‘బిగ్ బాస్ 7’ కంటెస్టెంట్ ప్రిన్స్ యవార్ గురించి 10 ఆసక్తికర విషయాలు !
Home