హైదరాబాద్ లో రామ్ చరణ్ మూవీ రెండో షెడ్యూల్ షురూ

మెగా పవర్ స్టార్ రామ్ చరణ్ తేజ్, సుకుమార్ దర్శకత్వంలో చేస్తున్న సినిమా షూటింగ్ వేగంగా జరుగుతోంది.  పక్కా గ్రామీణ నేపథ్యంలో సాగే ఈ కథలో చెర్రీ పల్లెటూరి కుర్రోడిగా నటిస్తున్నారు. రేపల్లె అనే  టైటిల్ ని పరిశీలిస్తున్న ఈ చిత్రం గత నెలలో మొదటి షెడ్యూల్ పూర్తి చేసుకుంది.  రాజమండ్రి, కొల్లేరు  పరిసర ప్రాంతాల్లో ఏప్రిల్ 24 వరకు జరిగిన షెడ్యూల్లో రామ్ చరణ్, సమంత, అనసూయలపై కొన్ని సీన్లు షూట్ చేశారు. ఎండలకు సమంత వడదెబ్బ తగిలి పడిపోవడంతో.. అవుట్ డోర్ షూటింగ్ కి గ్యాప్ ఇచ్చారు. హైదరాబాద్ లో పల్లెటూరి సెట్ వేశారు.

నిన్నటితో వర్క్ పూర్తి కావడంతో ఈ రోజు నుంచి రెండో షెడ్యూల్ మొదలెట్టారు. మైత్రి మూవీ మేకర్స్ వారు నిర్మిస్తున్న ఈ సినిమాలో జగపతిబాబు విలన్ గా నటిస్తున్నారు. ఆది పినిశెట్టి కీలక పాత్రలో కనిపించనున్న ఈ చిత్రానికి  రత్నవేలు సినిమాటోగ్రఫీ, దేవిశ్రీ ప్రసాద్ సంగీతం అందిస్తున్నారు. పెళ్లి ఫిక్స్ అయిన తర్వాత సమంత హీరోయిన్ గా చేస్తున్న సినిమా కావడంతో దీనిపై భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.