Ram Charan, Shakar: భారీగా అంచనాలు పెట్టుకోవద్దంటున్న శంకర్!

October 5, 2021 / 12:35 PM ISTByFilmy Focus

Join Us

Ram Charan, Shakar: భారీగా అంచనాలు పెట్టుకోవద్దంటున్న శంకర్!

స్టార్ డైరెక్టర్ శంకర్ ప్రతి సినిమాలో హీరోలను స్పెషల్ గా చూపిస్తారనే సంగతి తెలిసిందే. హీరోల గెటప్స్ విషయంలో శంకర్ తీసుకునే జాగ్రత్తలు అన్నీఇన్నీ కావు. హీరోలను ప్రత్యేకంగా చూపించే శంకర్ హీరోల గెటప్స్ కోసం కొన్నిసార్లు విదేశాల నుంచి మేకప్ మేన్ టీమ్ ను రప్పించిన సందర్భాలు సైతం ఉన్నాయి. ప్రస్తుతం శంకర్ చరణ్ కాంబినేషన్ లో దిల్ రాజు నిర్మాతగా భారీ బడ్జెట్ తో ఒక సినిమా తెరకెక్కుతోంది.

రోబో సినిమా తర్వాత ఆ స్థాయి సక్సెస్ లేని శంకర్ చరణ్ సినిమాతో బిగ్గెస్ట్ బ్లాక్ బస్టర్ హిట్ అందుకోవాలని భావిస్తుండగా ఈ సినిమాలో శంకర్ చరణ్ మీసకట్టును మాత్రమే మార్చారని తెలుస్తోంది. శంకర్ సినిమాలో రామ్ చరణ్ సింపుల్ గానే కనిపిస్తారని లుక్ గురించి భారీగా అంచనాలు పెట్టుకోవద్దని శంకర్ చెప్పకనే చెబుతున్నాడని ఇండస్ట్రీ వర్గాల్లో వినిపిస్తోంది. మరోవైపు సినిమాలో కీలక పాత్రలో చిరంజీవి కనిపించే అవకాశాలు ఉన్నాయని తెలుస్తోంది.

30 నిమిషాల నిడివి ఉన్న ఆ పాత్ర విషయంలో యూనిట్ తుది నిర్ణయం తీసుకోవాల్సి ఉంది. వచ్చే ఏడాది సెకండాఫ్ లో ఈ సినిమా రిలీజ్ కానుందని సమాచారం. 200 కోట్ల రూపాయల భారీ బడ్జెట్ తో ఈ సినిమా తెరకెక్కుతుండగా శంకర్ ఈ సినిమా కోసం 40 కోట్ల రూపాయలు పారితోషికంగా తీసుకుంటున్నారని తెలుస్తోంది. వచ్చే ఏడాది చరణ్ నటించిన రెండు సినిమాలు రిలీజ్ కానున్నాయి. మరోవైపు త్వరలో చిరంజీవి, చరణ్ కలిసి నటించిన ఆచార్య రిలీజ్ డేట్ కు సంబంధించి క్లారిటీ రానుంది.