RC17,Anil Ravipudi: రామ్ చరణ్ – అనిల్ రావిపూడి కాంబో.. సుకుమార్ ప్రాజెక్టు పక్కన పెట్టినట్టేనా?

June 11, 2026 / 02:25 PM ISTByPhani Kumar

Join Us

మెగా పవర్ స్టార్ రామ్ చరణ్ ప్రస్తుతం ‘పెద్ది’ సక్సెస్ ను ఎంజాయ్ చేస్తున్నాడు. ఈ స్పోర్ట్స్ డ్రామా కోసం చరణ్ ఒళ్ళు నలగొట్టుకుని, ఎముకలు విరగొట్టుకుని మరీ చాలా కష్టపడ్డాడు. ఈ సినిమా షూటింగ్ టైమ్లో గాయాలపాలయ్యాడు కూడా.! కాబట్టి త్వరలోనే చేతికి సర్జరీ చేయించుకోబోతున్నాడని కూడా తెలుస్తోంది. ఆ తర్వాత దాదాపు 3 నెలల పాటు పూర్తిగా విశ్రాంతి తీసుకోవాలని భావిస్తున్నట్లు టాలీవుడ్ టాక్. ప్రస్తుతం చరణ్ తన ఫ్యామిలీతో కలిసి యూరప్ వెకేషన్‌లో ఉన్నారనే ప్రచారం జరుగుతోంది.

RC17

అయితే దీనికి సంబంధించిన ఎయిర్‌పోర్ట్ విజువల్స్ లేదా ఫోటోలు ఏవీ సోషల్ మీడియాలో బయటకు రాలేదు కాబట్టి.. ఇందులో ఎంత నిజం ఉందో తెలియాల్సి ఉంది.

rc17

ఈ విషయాలు పక్కన పెడితే.. రామ్ చరణ్ నెక్స్ట్ సినిమా ఏంటి? అనే చర్చ ఇప్పుడు ఇండస్ట్రీ వర్గాల్లో గట్టిగా ఊపందుకుంది. క్రియేటివ్ డైరెక్టర్ సుకుమార్‌తో రామ్ చరణ్ నెక్స్ట్ ప్రాజెక్ట్ (RC 17) ఉంటుందని అధికారిక ప్రకటన వచ్చి చాలా కాలం అయ్యింది.

కానీ, సుకుమార్ వద్ద చరణ్ సినిమాకు సంబంధించిన బౌండ్ స్క్రిప్ట్ లేదు. కాబట్టి ఈ కాంబో సెట్స్ పైకి వెళ్ళడానికి మరికొంత టైమ్ పట్టేలా ఉంది. ఎలాగూ పక్కా స్క్రిప్ట్ లేకుండా సుకుమార్ ప్రాజెక్ట్‌ను పట్టాలెక్కించరు కాబట్టి.. ఈ లోపు చరణ్ మరో సినిమాను లైన్లో పెట్టే ఆలోచనలో ఉన్నారని తెలుస్తోంది.సుకుమార్ సినిమా ఆలస్యమయ్యేలా ఉండటంతో.. చరణ్ తన నెక్స్ట్ ప్రాజెక్ట్‌ను వేరే దర్శకుడితో చేసే అవకాశం ఉంది అని చెప్పాలి.

ఈ రేసులో ప్రస్తుతం హిట్ మెషీన్ అనిల్ రావిపూడి(Anil Ravipudi) పేరు ప్రముఖంగా వినిపిస్తోంది. చాలా కాలం క్రితమే అనిల్ రావిపూడి.. చరణ్‌కు ఒక అదిరిపోయే కమర్షియల్ లైన్ వినిపించగా, అది మెగా హీరోకి బాగా నచ్చిందట. ఇటీవల మెగాస్టార్ చిరంజీవి కూడా ఈ కాంబినేషన్‌ను సెట్ చేసే పనిలో ఉన్నట్లు ఇండస్ట్రీ టాక్. చరణ్ ఈ మధ్య కాలంలో వరుసగా భారీ బడ్జెట్, పీరియాడిక్ అలాగే ప్రయోగాత్మక సినిమాలే (ఆర్ఆర్ఆర్, గేమ్ ఛేంజర్, పెద్ది) చేశాడు.

అందుకే అతన్ని మళ్ళీ ఒక పక్కా కమర్షియల్ అండ్ ఔట్ అండ్ ఔట్ మాస్ ఎంటర్‌టైనర్‌లో చూడాలనేది ఫ్యాన్స్ కోరిక. అలా చూసుకుంటే చరణ్‌కు అనిల్ రావిపూడి పర్ఫెక్ట్ ఛాయిస్ అని చెప్పాలి.అన్నీ అనుకున్నట్లు జరిగితే.. త్వరలోనే ఈ క్రేజీ ప్రాజెక్ట్‌కు సంబంధించిన అఫీషియల్ అనౌన్స్‌మెంట్ రావొచ్చు.