అల్లు అర్జున్ తాను స్క్రిప్ట్ సెలక్షన్ లో బెస్ట్ అని అల వైకుంఠపురంలో మూవీతో నిరూపించాడు. నాపేరు సూర్య మూవీ ప్లాప్ తరువాత ప్రయోగాల జోలికి వెళ్లకుండా త్రివిక్రంతో ఫ్యామిలీ ఎంటర్టైనర్ ని ఎంచుకున్నాడు. భారీ విజయం సాధించిన అల వైకుంఠపురంలో బన్నీ నమ్మకాన్ని నిలబెట్టింది. దీని కోసమే సుకుమార్ మరియు వేణు శ్రీరామ్ లను బన్నీ పక్కన పెట్టాడు. ఇక సుకుమార్ తో పుష్ప మూవీ ప్రకటించిన అల్లు అర్జున్, తన తదుపరి చిత్రం కొరటాల శివతో ప్రకటించారు.
కెరీర్ లో మొదటిసారి ఈ ఇద్దరు కలిసి పనిచేయబోతున్నారు. టాలీవుడ్ సక్సెస్ ఫుల్ డైరెక్టర్ గా పేరున్న కొరటాల శివ బన్నీకి భారీ హిట్ ఇస్తాడని ఫ్యాన్స్ నమ్మకంతో ఉన్నారు. కొరటాల మూవీ ప్రకటనతో దర్శకుడు వేణు శ్రీరామ్ తో చేయాల్సిన ఐకాన్ మూవీ అటకెక్కినట్లే అని ప్రచారం జరుగుతుంది. ఇక బన్నీకి ఐకాన్ చేసే ఆలోచన లేదని సమాచారం అందుతుంది. ఐతే ఐకాన్ నిర్మాతగా ఉన్న దిల్ రాజు మాత్రం ఈ స్క్రిప్ట్ ని వదిలేలా లేరట. దిల్ రాజుని ఎంతగానో ఆకట్టుకున్న ఆ స్క్రిప్ట్ ని ఎలాగైనా తెరకెక్కించాలని దిల్ రాజు ఆలోచన చేస్తున్నాడట.
దీనితో ఐకాన్ మూవీ వేరే హీరోలతో చేయాలని డిసైడ్ అయ్యాడట. అందుకే ఆయన కొందరు హీరోలకు ఫోన్ చేసి ఈ మూవి స్క్రిప్ట్ నేరేట్ చేస్తున్నారని సమాచారం. ముఖ్యంగా ఆయన రామ్ చరణ్ లేదా నాని తో ఐకాన్ మూవీ చేయాలనుకుంటున్నారట. చరణ్ ఒప్పుకుంటే ఆర్ ఆర్ ఆర్ తరువాత ఐకాన్ మూవీ చేయాలనేది ఆయన ఆలోచనగా తెలుస్తుంది. చరణ్ ఒప్పుకోని పక్షంలో హీరో నానితో చేద్దాం అనుకుంటున్నారట. దీనితో బన్నీ వద్దనుకున్న ఆ స్క్రిప్ట్ ఎవరి చేతిలోకి వెళుతుంది అనే ఆసక్తి పరిశ్రమలో నెలకొంది.
Most Recommended Video
ఎక్కువ రోజులు థియేటర్స్ లో ప్రదర్శింపబడిన సినిమాల లిస్ట్!
విడుదల కాకుండానే పైరసీ భారిన పడ్డ సినిమాలు ఎవేవంటే..?
ఈ బుల్లితెర నటీమణుల పారితోషికాలు ఎంతో తెలిస్తే షాక్ అవ్వాల్సిందే..!
Home