పవన్ ఆహ్వానాన్ని చరణ్ మన్నిస్తారా ?

డాలీ దర్శకత్వంలో పవర్ స్టార్ పవన్ కల్యాణ్ నటిస్తున్న‘కాటమరాయుడు’ సినిమా టాకీ పార్ట్ పూర్తి చేసుకొని.. మిగిలిన రెండు పాటల కోసం యూరప్ వెళ్తోంది. ఈ రోజు సాయంత్రం మిర మిర మీసం పాటను విడుదల చేసిన తర్వాత చిత్ర బృందం యూరప్ కి పయనం కానుంది. తిరిగి వచ్చిన తర్వాత  ప్రీ రిలీజ్ వేడుక నిర్వహించాలని నిర్మాత శరత్ మరార్ సన్నాహాలు చేస్తున్నారు. ఈ వేడుకకు ముఖ్య అతిధిగా రామ్ చరణ్ ని ఆహ్వానించాలని పవన్ కళ్యాణ్ అనుకుంటున్నారు. చెర్రీ వేడుకకు వస్తే మెగాస్టార్ చిరంజీవితో తనకి గొడవలు లేవని అభిమానులు విశ్వసిస్తారని పవన్ నమ్ముతున్నారు.

అయితే చరణ్ పవన్ ఆహ్వానాన్ని మన్నిస్తారా? అనేదే ప్రస్తుతం ప్రస్నార్ధకంగా మారింది. ఎందుకంటే చెర్రీ తాను నిర్మించిన ఖైదీ నంబర్ 150 ప్రీ రిలీజ్ వేడుకకు రావాలని పవన్ ని ప్రత్యేకంగా పిలిచారు. అప్పుడు అతను వెళ్ళలేదు. ఆ సంఘటనను గుర్తుపెట్టుకొని కాటమరాయుడు వేడుకకు చరణ్ వెళ్లకపోవచ్చని సినీ వర్గాల వారు అభిప్రాయాన్ని వ్యక్తం చేస్తున్నారు. రాయలసీమ నేపథ్యంలో సాగే ఈ కథలో పవర్ స్టార్ తొలిసారి ఫ్యాక్షన్ లీడర్ గా నటిస్తున్నారు.  అనూప్ రూబెన్స్ సంగీతమందిస్తున్న ఈ సినిమా ఉగాది కానుకగా మార్చి 24 న థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.