Ram Charan: చరణ్‌ కోసం శంకర్‌ మరో ప్లాన్‌.. వర్కవుట్‌ అవుతుందా?

సినిమాల్లో హీరోలకు లోపం ఎప్పుడూ.. లాభాలు అందించేదే అంటుంటారు. అంటే సినిమాల్లో హీరో పాత్రకు ఏదైనా ఆరోగ్య సమస్య, వైకల్యం ఉంటే.. ఆ పాత్రల మరింతగా పండుతాయని, దాంతో ప్రేక్షకులు బాగా కనెక్ట్‌ అవుతారని, తద్వారా వసూళ్లు బాగా వస్తాయని చెబుతుంటారు. దానికి ఉదాహరణలుగా కొన్ని సినిమాల పేర్లు చెప్పమన్నా చెప్పేస్తుంటారు. అయితే ‘లైగర్‌’ సినిమా వచ్చిన తర్వాత ఈ మాట అనడానికి అందరూ ముందుకు రావడం లేదు. అయితే ఇప్పుడు రామ్‌చరణ్‌ మరోసారి అలాంటి ప్రయత్నం చేస్తున్నాడట.

రామ్‌చరణ్‌లోని బెస్ట్‌ నటుడిని బయటకు తీసిన సినిమా అంటే ‘రంగస్థలం’ అని చెబుతారు. ఆ సినిమాలో చెవిటివాడిగా రామ్‌చరణ్‌ ఇరగదీశాడు అని చెప్పొచ్చు. సుకుమార్‌ చెప్పిన చిట్టిబాబు పాత్రలోకి పరకాయ ప్రవేశం చేసి అదరగొట్టాడు చరణ్‌. అందులో చెవుడు ఉన్నా.. లేనట్లు నటించే చరణ్‌ను చూసి ఫ్యాన్స్‌ మురిసిపోయారు. ఆ విజయం ఇచ్చిన కాన్ఫిడెన్స్‌తోనేమో తర్వాతి సినిమాలో చరణ్‌ నత్తి ఉన్న వ్యక్తిగా నటిస్తాడని తెలుస్తోంది.

శంకర్‌ – దిల్‌ రాజు కాంబినేషన్‌లో రామ్‌చరణ్‌ ఓ సినిమా చేస్తున్న విషయం తెలిసిందే. ఇందులో చరణ్‌ ద్విపాత్రాభినయం చేస్తున్నాడని టాక్‌. ఓ పాత్రధారి ప్రభుత్వం అధికారి అయితే, మరో పాత్రధారి గ్రామంలో పెరిగే యువకుడిగా కనిపిస్తాడట. ఆ పాత్రకు నత్తి ఉంటుందట. దానికి సంబంధించిన సన్నివేశాల చిత్రీకరణ కూడా అయిపోయిందట. ఈ రషెష్‌లో చరణ్‌కు నత్తి ఉన్నట్లు తెలిసిందని వార్తలొస్తున్నాయి. అంతేకాదు ఆ సీన్స్‌ అదిరిపోయాయని కూడా చెబుతున్నారు.

‘లైగర్‌’ సినిమాలో విజయ్‌ దేవరకొండ ఇలానే నత్తి పాత్ర చేశాడు. అయితే సినిమాలో మిగిలిన అంశాలలో సమస్య వచ్చి ఫలితం తేడా కొట్టింది. ఇప్పుడు చరణ్‌ కూడా ఇలాంటి ప్రయత్నమే చేస్తుండటంతో అభిమానులు ఆందోళన పడుతున్నారు. మరి చరణ్‌.. ‘లైగర్‌’ ఫోబియోను దాటి ముందుకొచ్చి నత్తి పాత్రలో అదరగొడతాడేమో చూడాలి. ‘రంగస్థలం’ మ్యాజిక్‌ను మరోసారి చేస్తానంటే అభిమానులు ఎలాగూ వద్దనరు. సో చరణ్‌ నీ చేతుల్లోనే ఉంది.

అవతార్: ద వే ఆఫ్ వాటర్ సినిమా రివ్యూ& రేటింగ్!
2022లో రీ రిలీజ్ అయిన సినిమాలు ఏవో తెలుసా?

2022లో ప్రపంచ బాక్సాఫీస్‌ని షేక్ చేసిన 12 సాలిడ్ సీన్స్ ఏవో తెలుసా..!
డిజె టిల్లు టు కాంతార….ఈ ఏడాది వచ్చిన సినిమాల్లో వీకెండ్ కే బ్రేక్ ఈవెన్ సాధించిన 10 సినిమాలు ఇవే!