పవర్ స్టార్ ను ఆదరించడానికి రెడీ అంటున్న నందమూరి అభిమానులు

July 23, 2020 / 01:42 PM ISTByFilmy Focus

Join Us

పవర్ స్టార్ ను ఆదరించడానికి రెడీ అంటున్న నందమూరి అభిమానులు

“శత్రువుకి శత్రువు మిత్రుడు” అనే ఫార్మాట్ ను కాస్త గట్టిగా ఫాలో అవుతున్నారు నందమూరి అభిమానులు. వర్మ “పవర్ స్టార్” ట్రైలర్ కు ఆశించిన స్థాయి రెస్పాన్స్ రాలేదు. పెద్దగా హర్ట్ చేసే విధంగా లేకపోవడంతో పవన్ ఫ్యాన్స్ కూడా ట్రైలర్ ను లైట్ తీసుకొన్నారు. అయితే.. ఎన్టీఆర్ ఫ్యాన్స్ మాత్రం ఈ ట్రైలర్ ను ఆదరిస్తూ వర్మకు సూపర్ సపోర్ట్ చేస్తున్నారు. అందుకు కారణం లేకపోలేదు.. అప్పట్లో వర్మ “లక్ష్మీస్ ఎన్టీఆర్” తీసినప్పుడు ఎక్కువగా సపోర్ట్ చేసింది పవన్ & మెగా ఫ్యాన్స్.

అందుకు ఇప్పుడు నందమూరి అభిమానులు పగ తీర్చుకోవడంలో తప్పే లేదు. అయితే.. ఒకపక్క వర్మకు ఎన్టీఆర్ & నందమూరి ఫ్యాన్స్ సపోర్ట్ చేస్తుండగా మహేశ్ బాబు ఫ్యాన్స్ మాత్రం పవన్ ఫ్యాన్స్ కు సపోర్ట్ చేస్తున్నారు. రేపన్న రోజు మహేశ్ మీద ఈ తరహా సినిమా తీసినా తీస్తాడు వర్మ అని ముందు జాగ్రత్త పడుతున్నారు. ఇలా హీరోల అభిమానులందరూ వర్మ విషయంలో భిన్న విధాలుగా స్పందిస్తుంటే వర్మ మాత్రం తన పవర్ స్టార్ ట్రైలర్ కి వస్తున్న వ్యూస్ చూసుకుని మురిసిపోతూ..

న్యూస్ చానల్స్ కి ఇంటర్వ్యూలు ఇచ్చుకుంటూ 25న విడుదలవుతున్న “పవర్ స్టార్”ను గట్టిగా ప్రమోట్ చేసుకొంటున్నాడు. పవర్ స్టార్ తర్వాత మళ్ళీ వర్మ ఎవర్ని టార్గెట్ చేస్తాడు అనే చర్చ కూడా మొదలైంది.