Kalki 2898 AD: ఒకే స్టేజిపై సందడి చేయనున్న బాహుబలి, భల్లాలదేవుడు.. ఎలా అంటే?

పాన్ ఇండియా స్టార్ హీరో ప్రభాస్ (Prabhas) , దర్శకుడు నాగ్ అశ్విన్ (Nag Ashwin) కలయికలో ‘కల్కి 2898 ad ‘ (Kalki 2898 AD)  రూపొందింది. ప్రభాస్ తో పాటు ఈ సినిమాలో అమితాబ్ బచ్చన్ (Amitabh Bachchan), కమల్ హాసన్ (Kamal Haasan) , విజయ్ దేవరకొండ (Vijay Devarakonda) , దుల్కర్ సల్మాన్ (Dulquer Salmaan), దీపికా పదుకోనె (Deepika Padukone) వంటి స్టార్లు నటించారు. అశ్వినీదత్ (C. Aswani Dutt) ఈ చిత్రాన్ని సుమారు రూ.500 కోట్ల భారీ బడ్జెట్ తో నిర్మించారు. జూన్ 27న ఈ సినిమా ప్రేక్షకుల ముందుకు రానుంది. విడుదలకి ఇక 8 రోజులు మాత్రమే టైం ఉంది.

ప్రస్తుతానికైతే నార్త్ లో ప్రమోషన్స్ జరుగుతున్నాయి. ముంబైలో ఈరోజు సాయంత్రం ఓ ఈవెంట్ ను నిర్వహిస్తున్నారు. అలాగే ఆదివారం నాడు హైదరాబాద్ లో ఉన్న పార్క్ హయత్ లో ప్రీ రిలీజ్ ఈవెంట్ నిర్వహించే ఛాన్స్ ఉంది. ముందుగా అయితే అమరావతిలో ‘కల్కి 2898 ad ‘ ప్రీ రిలీజ్ ఈవెంట్ ను నిర్వహించాలని అశ్వినీదత్ ప్లాన్ చేశారు.కానీ వాతావరణం ఎప్పుడు ఎలా ఉంటుందో అంచనా వేయడం కష్టంగా ఉన్న తరుణంలో..

వర్షం వల్ల ఈవెంట్ కి ఇబ్బంది కలగకూడదని భావించి.. ఆయన వెనక్కి తగ్గినట్లు తెలుస్తోంది. ఇక ‘కల్కి..’ ప్రీ రిలీజ్ ఈవెంట్ కి ఓ స్పెషాలిటీ కూడా ఉండబోతుందని ఇన్సైడ్ టాక్. అదేంటంటే.. ఈ ఈవెంట్ ని హీరో రానా (Rana) హోస్ట్ చేసే ఛాన్స్ ఉందట. మొదటి నుండి రానా ‘కల్కి..’ ప్రమోషన్స్ లో పాల్గొంటున్నాడు.

నాగ్ అశ్విన్ కి బెస్ట్ ఫ్రెండ్ కావడం వల్లో ఏమో కానీ విదేశాల్లో కూడా అతను ‘కల్కి..’ ని ప్రమోట్ చేయడం మనం చూశాం. సో మొత్తంగా ‘కల్కి..’ ప్రీ రిలీజ్ ఈవెంట్ లో బాహుబలి’, భల్లాలదేవుడిని… మరోసారి కలిపి చూడవచ్చన్న మాట.