ఆ దర్శకుడిపై ఆగ్రహం వ్యక్తం చేసిన దగ్గుబాటి రానా

కోట్లు తీసుకునేది విప్పి చూపించడానికే… అంటూ హీరోయిన్స్ పై వివాదాస్పద కామెంట్స్ చేసిన డైరక్టర్ సురాజ్ పై విమర్శలు ఆగడం లేదు. ఈయన విశాల్, తమన్నా జంటగా ‘కత్తి సందై(“ఒక్కడొచ్చాడు”)’ అనే చిత్రాన్ని తెరకెక్కించారు. ఈనెల డిసెంబర్ 23 న విడుదలయిన ఈ మూవీ ప్రమోషన్లో భాగంగా ఓ ఛానల్ కి ఇంటర్వ్యూలో తమన్నాతో ఎక్స్ పోజింగ్ తానే చేయించానని, అలా చేయడానికే వారు ఉండేది అని చెప్పి కోలీవుడ్ లో దుమారం లేపారు. మిల్కీ బ్యూటీ తమన్నా విరుచుకు పడడంతో దిగి వచ్చిన  సురాజ్ ‘నన్ను క్షమించండి. నటి తమన్నాకు, పరిశ్రమలోని ఇతర హీరోయిన్లకు క్షమాణలు చెబుతున్నాను.నా వ్యాఖ్యలను వెనక్కి  తీసుకుంటున్నాను’ అని లేఖ విడుదల చేశారు.

ఇంతటితో ఈ వివాదం ముగిసిందని అందరూ అనుకున్నారు. కానీ ఈ లేఖ ద్వారా ఈ విషయం టాలీవుడ్ కి చేరింది. ఇక్కడ హీరోలు తమన్నాకు మద్దతు తెలుపుతూ డైరక్టర్ ని విమర్శిస్తున్నారు. ఈరోజు రానా దగ్గుబాటి ట్విట్టర్లో సురాజ్ పై వ్యతిరేకతను ప్రదర్శించారు. ‘ఇప్పుడే ఈ విషయం గురించి తెలుసుకున్నాను. ఇలాంటి వ్యక్తులు మన మధ్య పనిచేస్తునందుకు చాలా అవమానకరంగా ఉంది’ అంటూ తన కోపాన్ని వెల్లడించారు. మరింకెంతమంది సురాజ్ పై తిట్ల దండకం అందుకోనున్నారో చూడాలి.

Also, do SUBSCRIBE to our YouTube channel to get latest Tollywood updates.