రానా సరసన నటించనున్న సాయి పల్లవి

బాహుబలి తర్వాత రానా రేంజ్ మారింది. ఆ రేంజ్ కి తగ్గ కథల కోసం ఎదురుచూడకుండా.. విభిన్నంగా ఉంటే చాలు ఓకే చెప్పేస్తున్నారు. క్యారక్టర్ బాగుంటే చాలు గెస్ట్ రోల్ కూడా చేస్తున్నారు. అంతేకాదు నెగటివ్.. పాజిటివ్ అనే సంబంధం లేకుండా దూసుకుపోతున్నారు. తెలుగు, తమిళం అనే తేడా లేకుండా దక్షిణాది అన్ని భాషల్లో నటించడానికి గ్రీన్ సిగ్నల్ ఇస్తున్నారు. తాజాగా వేణు ఉడుగుల దర్శకత్వంలో నటించడానికి ఒకే చెప్పినట్లు తెలిసింది. “నీది నాది ఒకే కథ” సినిమాతో మంచి దర్శకుడిగా పేరు తెచ్చుకున్న వేణు కొత్త కథని రాసుకున్నారు. అందుకు “విరాటపర్వం 1992 ” అనే టైటిల్ ను కూడా ఖరారు చేశారు.

ఈ సినిమాను నాని/ నితిన్/ శర్వానంద్ లతో రూపొందించాలని ఆయన ప్రయత్నించారు. విజయ్ దేవరకొండని కూడా అనుకున్నారు. కానీ ఆ కథ అన్నిచోట్లా తిరిగి చివరికి రానా దగ్గరికి వచ్చింది. కథ విన్నవెంటనే ఓకే చెప్పారు. దీంతో ఈ సినిమాకి సంబంధించిన పనులు ఊపందుకున్నాయి. ముందుగా హీరోయిన్ గా సాయి పల్లవిని ఎంపిక చేసుకున్నారు. వీరిద్దరి కాంబినేషన్ వినడానికే కొత్తగా ఉంది… వెండితెరపై ఇంకా బాగుంటుందని సినీ విశ్లేషకులు భావిస్తున్నారు. ఈ మూవీ విషయాలు త్వరలోనే అధికారికంగా ప్రకటించనున్నారు.