చిరంజీవితో కలిసి నటించనున్న రానా

మెగాస్టార్ చిరంజీవి ఖైదీ నంబర్ 150 తర్వాత చేస్తున్న సినిమాపై భారీ క్రేజ్ నెలకొని ఉంది. అది దేశ భక్తి మూవీ కావడంతో పాటు రాయలసీమకు చెందిన స్వాతంత్ర సమర యోధుడు ఉయ్యాల వాడ నరసింహా రెడ్డి జీవితం ఆధారంగా తెరకెక్కుతుండడంతో ఈ మూవీపై భారీ అంచనాలు ఉన్నాయి. ఇందులో నరసింహా రెడ్డి నటించేందుకు చిరు అన్ని రకాల శిక్షణలు తీసుకుంటున్నారు. సురేందర్ రెడ్డి దర్శకత్వంలో రూపుదిద్దుకోనున్న ఈ మూవీకి మరింత క్రేజ్ తీసుకురావడానికి నిర్మాత రామ్ చరణ్ ప్రయత్నిస్తున్నారు. బాహుబలి తో దేశవ్యాప్తంగా గుర్తింపు తెచ్చుకున్న రానాని ఇందులో నటింపజేసే ప్రయత్నాలు మొదలయినట్లు ఫిలిం నగర్ వాసులు చెబుతున్నారు.

ఈ సినిమాలో ఓ కీలక పాత్ర ఉందని, అందుకు రానా కరక్ట్ గా సూటవుతారని చిత్ర బృందం భావిస్తోంది. అంతేకాదు రానా ఇందులో నటిస్తే ఇతర రాష్ట్రాల్లో కూడా   బిజినెస్ బాగా అవుతుందని నమ్ముతోంది.  మెగా ఫ్యామిలీతో రానాకి మంచి అనుబంధం ఉందని అందుకే కొణిదెల ప్రొడక్షన్స్ బ్యానర్లో నిర్మితమవుతున్న ఈ సినిమాలో రానా తప్పకుండా నటిస్తారని టాలీవుడ్ వర్గాలు చెబుతున్నాయి.

Also, do SUBSCRIBE to our YouTube channel to get latest Tollywood updates.