సినిమా ఎప్పుడు రిలీజ్‌ చేయాలి అనే విషయం సినిమా టీమ్‌కి బాగా తెలియాలి. అలాగే ఎప్పుడు వాయిదా వేయాలి అనే విషయం కూడా బాగా తెలియాలి. లేకుండా ఇబ్బందులు పడతారు. మొదటికే మోసం వచ్చేంతలా ఇబ్బందిపడతారు అని చెబుతుంటారు. గతంలో చాలా సినిమా ఇలా రాంగ్‌ టైమ్‌లో వచ్చి ఇబ్బంది పడ్డాయి. వేరే టైమ్‌లో వచ్చుంటే, ఆ సినిమాకు పోటీగా రాకుంటే సినిమాకు మంచి ఫలితం వచ్చేది అనే మాట కూడా మనం వినే ఉంటాం.
ఇప్పుడు ఇలాంటి మాటల్నే ‘యానిమల్‌’ సినిమా గురించి అంటున్నారు. బాలీవుడ్‌ స్టార్‌ హీరో రణ్‌బీర్‌ కపూర్‌ – రష్మిక మందన ప్రధాన పాత్రల్లో సందీప్‌ రెడ్డి వంగా తెరకెక్కించిన చిత్రం ‘యానిమల్‌’, ‘అర్జున్ రెడ్డి’ రీమేక్‌ ‘కబీర్‌ సింగ్‌’ను చూసి రణ్‌బీర్‌.. సందీప్‌ రెడ్డికి ఛాన్స్ ఇచ్చారు. ఆయన కూడా రణ్‌బీర్‌ను ఇప్పటివరకు ఎప్పుడూ లేనంతగా వైల్డ్‌గా తీర్చిదిద్ది ఈ సినిమా చేశారు. గ్యాంగ్‌స్టర్‌ బ్యాగ్రౌండ్‌లో రూపొందిన సినిమా ఇది.
అన్నీ అనుకున్నట్లుగా జరిగి ఉంటే ఆగస్టు 11న ఈ సినిమా రిలీజ్‌ అయ్యేది. కానీ వివిధ కారణాల వల్ల సినిమాను పోస్ట్‌ పోన్‌ చేశారు. అలా పోస్ట్‌ పోన్‌ చేయడం వల్లే ఈ సినిమా బతికిపోయింది అంటున్నారు నెటిజన్లు. ప్రస్తుతం సౌత్‌లో ‘జైలర్‌’ హవా నడుస్తోంది. ఆ సినిమాను సినీ జనాలు తెగ చూసేస్తున్నారు, మెచ్చేసుకుంటున్నారు. దీంతో సుమారు రూ. 400 కోట్లు వసూలు చేసింది. ఇలాంటి హవాలో ‘యానిమల్‌’ (Animal) వచ్చి ఉంటే సరైన రన్‌ దొరికేది కాదు అంటున్నారు.
ఆ సినిమాను బాలీవుడ్‌తో పాటు సౌత్‌లోనూ భారీ స్థాయిలో విడుదల చేయాలని సందీప్‌ రెడ్డి వంగా అనుకున్నారట. కానీ డిసెంబరు 1కి వాయిదా వేశారు. మరోవైపు ఈ సినిమా విషయంలో దర్శకనిర్మాతలు నమ్మకంగా ఉండటం వల్లే అన్ని రోజులు వాయిదా వేశారు అంటున్నారు. మరి అంతలా సినిమాలో ఏముంది అనేది డిసెంబరు 1న తెలుస్తుంది. పోస్టర్లు, టీజర్లు అయితే అదిరిపోయాయి అని రెస్పాన్స్‌ వచ్చింది.
మిస్టర్ ప్రెగ్నంట్ సినిమా రివ్యూ & రేటింగ్!
ప్రేమ్ కుమార్ సినిమా రివ్యూ & రేటింగ్!
గత 10 సినిమాల నుండి రజనీకాంత్ సినిమాల థియేట్రికల్ పెర్ఫార్మన్స్ ఎలా ఉందంటే?
