రణ్బీర్ కపూర్ ఎంత గొప్ప నటుడో అతని సినిమాలు చూస్తేనే అర్థమైపోతుంది. భగ్నప్రేమికుడిగా ఆయన నటనకు ఫిదా కాని అమ్మాయి ఉండదు. యూత్ ఐకాన్గా నయా కపూర్ చేసిన పర్ఫార్మెన్స్ గురించి ఎంత చెప్పినా తక్కువే. అలాంటి నటుడు సందీప్రెడ్డి వంగా లాంటి దర్శకుడి చేతిలో పడితే… ఇంకా ఎంత బాగా చూపిస్తాడో కదా. ‘అర్జున్ రెడ్డి’తో ఢిపరెంట్ టైప్ ఆఫ్ హీరోయిజం చూపించిన దర్శకుడాయన. తాజాగా రణ్బీర్ కపూర్తో సినిమా ప్రకటించాడు. దీంతో ఈ సినిమా ఎలా ఉంటుందనే చర్చ మొదలైంది.
బాలీవుడ్ లేటెస్ట్ బజ్ చూస్తుంటే… సందీప్రెడ్డి వంగా సినిమాలో రణ్బీర్ కపూర్ సైకోగా కనిపించబోతున్నాడని తెలుస్తోంది. ప్రేమకథ సినిమాలో హీరో సైకోగా కనిపించడం పెద్ద కొత్త విషయమేమీ కాదు. అయితే సందీప్ రెడ్డి వంగా ఎలా చూపిస్తాడు, రణ్బీర్ కపూర్ ఎలా చేస్తాడు అనేదే ఇక్కడ ఆసక్తికరమైన విషయం. అయితే ఈ పాత్ర కూడా కాంట్రవర్శీ క్రియేట్ చేసేలా ఉంటుందా అని నెటిజన్లు అనుకుంటున్నారు. ‘అర్జున్ రెడ్డి ’ పాత్ర చిత్రణ మనకింకా గుర్తుండే ఉంటుంది. పాత్ర చిత్రణ, మాటలు, చేతలు అన్నీ ఆ సినిమా సమయంలో చర్చకు దారి తీశాయి.
ఇక కొత్త సినిమా విషయానికొస్తే… సినిమా పేరే ‘యానిమల్’ అంటూ కొత్తగా పెట్టారు. ఆ పేరుకు తగ్గట్టే సినిమాలో హీరో కొన్ని సార్లు యానిమల్లా ప్రవర్తిస్తాడట. దీంతో ఆ పాత్ర సైకోలా ఉంటుందని ఊహిస్తున్నారు. ఈ ఏడాది ద్వితీయార్ధంలో ఈ సినిమా సెట్స్పైకి వస్తుంది. వచ్చే ఏడాది వేసవిలో ఈ సినిమాను విడుదల చేయాలని అనుకుంటున్నారు. అన్నట్లు ఈ సినిమాలో పరిణీతి చోప్రా, అనీల్ కపూర్, బాబీ డియోల్ ఇతర ముఖ్య పాత్రల్లో కనిపిస్తారు.
Most Recommended Video
పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!
