ఆ తెలుగమ్మాయికి ఈ ఐటెం సాంగ్ అయినా కలిసొస్తుందా..?

పవర్ స్టార్ పవన్ కళ్యాణ్ ఇప్పుడు ‘వకీల్ సాబ్’ చిత్రంతో పాటు క్రిష్ డైరెక్షన్ లో కూడా ఓ చిత్రం చేయబోతున్న సంగతి తెలిసిందే. ఈ చిత్రానికి ‘విరూపాక్షి’ అనే టైటిల్ ను పరిశీలిస్తున్నారు. ఆంగ్లేయుల పరిపాలనలో పేద ప్రజల కోసం దోపిడీలు చేసే రాబిన్ హుడ్ తరహా దొంగ పాత్రలో పవన్ ఈ చిత్రంలో కనిపించబోతున్నట్టు సమాచారం. ఈ చిత్రాన్ని పాన్ ఇండియా స్థాయిలో రూపొందించాలని క్రిష్ భావిస్తున్నాడు.

అందుకోసం ఓ బాలీవుడ్ నటిని తీసుకోవాలని భావిస్తున్నాడు. ఈ క్రమంలో ‘సాహో’ బ్యూటీ జాక్వెలిన్ ను సంపాదించినట్టు కూడా వార్తలు వస్తున్నాయి. దాదాపు ఈమెనే ఫైనల్ చేసే అవకాశం ఉందని కూడా సమాచారం. ఇదిలా ఉంటే… ఈ చిత్రంలో ఓ ఐటెం సాంగ్ ఉండబోతుందట. కథలో భాగంగా ఎంతో కీలకమైన సందర్భంలో ఈ పాట ఉంటుందని తెలుస్తుంది.

ఈ ఐటెం సాంగ్ కోసం ‘రంగస్థలం’ ఫేమ్ పూజిత పొన్నాడ ఎంపిక చేసినట్టు టాక్ వినిపిస్తుంది. తెలుగమ్మాయి అయిన పూజిత పొన్నాడ ‘దర్శకుడు’ ‘కల్కి’ ‘ వేర్ ఈజ్ ద వెంకటలక్ష్మీ’ ‘బ్రాండ్ బాబు’ ‘సెవెన్’ వంటి చిత్రాల్లో నటించింది. అయినప్పటికీ ఈమెకు అవి కలిసిరాలేదు. మరి పవన్ సినిమాలో ఐటెం సాంగ్ చేస్తే అయినా.. ఈమెకు కలిసొస్తుందేమో చూడాలి..!

Most Recommended Video

ఈ 17 ఏళ్లలో బన్నీ వదులుకున్న సినిమాలు ఇవే!
మన టాలీవుడ్ డైరెక్టర్స్ మరియు వారి భార్యలు!
సొంత మరదళ్ళను పెళ్లాడిన టాప్ స్టార్స్