నేచురల్ స్టార్ నాని వరుసగా విజయాలతో దూసుకుపోతున్నారు. గత చిత్రం కృష్ణార్జున యుద్ధం మినహా అంతకముందు ఏడు సినిమాలు కాసులు కురిపించాయి. ఇప్పుడు బిగ్ బాస్ సీజన్ 2 కి హోస్ట్ గా వ్యవహరిస్తూనే.. నాగార్జునతో కలిసి మల్టీ స్టారర్ మూవీ చేస్తున్నారు. శ్రీ రామ్ ఆదిత్య దర్శకత్వంలో తెరకెక్కుతోన్న ఈ సినిమా వేగంగా షూటింగ్ జరుపుకుంటోంది. ఇందులో నానికి జోడీగా రష్మిక నటిస్తోంది. తొలిసారి నాని సరసన నటిస్తున్న ఈ బ్యూటీ లక్కీ గర్ల్ అయిపోయిందట. అదెలా.. ఇంకా సినిమా రిలీజ్ కాలేదు.. హిట్ కాలేదు. అంతలోనే అదృష్టదేవత అని ఎలా అంటారు? అనే ప్రశ్న రావడం ఖాయం. ఎందుకో వివరాల్లోకి వెళితే.. “ఫిదా”తో సాయిపల్లవి సూపర్ హిట్ అందుకుంది.
తెలుగులో ఎక్కువమంది అభిమానులను సంపాదించుకుంది. తర్వాత నాని సరసన ఎంసీఏ మూవీ చేసింది. ఫిదాతో వచ్చిన క్రేజ్ నాని సినిమాకి హెల్ప్ అయింది. అందుకే ఆమె ఎంసీఏ చిత్రానికి అదృష్టదేవతగా వర్ణించారు. అదే విధంగా రష్మిక కూడా అదృష్టదేవతగా మారింది. ఆమె నటించిన గీత గోవిందం సంచలన విజయం సాధించింది. ఇందులో రష్మిక గీతగా యువకుల హృదయాలను కొల్లగొట్టింది. సూపర్ క్రేజ్ సంపాదించుకుంది. ఆ క్రేజ్ నాని కొత్త సినిమా దేవ్ దాస్ కి ప్లస్ కానుందని సినీ విశ్లేషకులు భావిస్తున్నారు. సో నానికి హిట్ గ్యారంటీ అని ఫ్యాన్స్ ఫిక్స్ అయిపోయారు.
Home