Ravi Teja: ‘ఇడియట్‌ 2’తో మహాధన్‌ ఎంట్రీ.. రవితేజ ఏమన్నాడంటే?

రవితేజను మాస్‌ మహరాజ్‌ అని అంటారు. ఆయనలో ఎనర్జీ ఎంత హైపర్‌గా ఉంటుంది అంటే.. కొలవడానికి మీటర్లు చాలవు అని కూడా అంటుంటారు. ఇది వినడానికి అతిశయోక్తిగా అనిపించినా.. ఆయన సినిమాల్లో చేసే పర్‌ఫార్మెన్స్, యాక్షన్‌ సీన్స్, డ్యాన్స్‌లు చూస్తే.. కచ్చితంగా మీరు చెప్పిందే కరెక్ట్‌ అంటారు. అయితే ఆయనను మించిన హైపర్‌ ఓల్టెజ్‌ ఎనర్జీ ఇంకొకరిలో ఉంది. ఆ వ్యక్తి అతని ఇంటి నుండే. అవును మీరు అనుకుంటున్నది కరెక్టే. ఆయన తనయుడు మహాధన్‌ గురించే చెబుతున్నాం.

మహాధన్‌ సినిమాల్లో హీరోగా ఎంట్రీ ఇవ్వడానికి రంగం సిద్ధమవుతోంది అని చాలా రోజులుగా వార్తలొస్తున్నాయి. అయితే ఎప్పుడు, ఎలా, ఏ సినిమాతో అనేది మాత్రం క్లారిటీ రావడం లేదు. అయితే రవితేజ కెరీర్‌ను మలుపుతిప్పిన సినిమాల్లో ఒకటైన ‘ఇడియట్‌’ సినిమాకు సీక్వెల్‌గానే మహాధన్‌ ఉంటుంది అని ఈమధ్య వార్తలొచ్చాయి. తాజాగా ఆ పుకార్ల గురించి రవితేజ స్పందించారు. ఇప్పుడు ఆయన మాటలు వైరల్‌గా మారాయి.

చిరంజీవి ప్రధాన పాత్రలో రూపొందుతున్న ‘వాల్తేరు వీరయ్య’ సినిమాలో రవితేజ ఓ కీలక పాత్రలో కనిపిస్తున్న విషయం తెలిసిందే. ఈ సినిమా ప్రెస్‌మీట్‌ ఇటీవల హైదరాబాద్‌లో జరిగింది. ఈ నేపథ్యంలో మీడియాలో ప్రశ్న – జవాబు కార్యక్రమం నిర్వహించింది టీమ్‌. ఈ క్రమంలో తనయుడి లాంచ్‌పై రవితేజ స్పందించారు. ‘‘మీ అబ్బాయిని వచ్చే ఏడాది ‘ఇడియట్‌ 2’ సినిమాతో హీరోగా పరిచయం చేస్తున్నారట.. నిజమేనా?’ అని రవితేజను మీడియా ప్రతినిధి అడిగారు. దానికి రవితేజ హిలేరియస్‌ ఆన్సర్‌ ఇచ్చారు.

మహాధన్‌ గురించి వస్తున్న పుకార్లకు రవితేజ ఫుల్‌స్టాప్‌ అయితే పెట్టలేదు కానీ.. ‘ఇడియట్‌ 2’ గురించి అయితే క్లారిటీ ఇచ్చాడు. ‘‘ఇడియట్‌ 2’నా అలాంటి ఆలోచనేం లేదు. అయినా ఈ మాట వినడానికే కొత్తగా ఉంది’’ అంటూ తన స్టైల్‌ షార్ట్‌ అండ్‌ స్వీట్‌ ఆన్సర్‌ ఇచ్చి ముగించాడు రవితేజ. మహాధన్‌ యాక్టర్‌ ఎంట్రీ ఇప్పటికే పూర్తయిపోయింది. ‘రాజా ది గ్రేట్‌’ సినిమాలో సినిమాలో బాల నటుడిగా మెరిశాడు. అందులో రవితేజ చిన్నప్పటి పాత్రను పోషించాడు.

18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!

ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?