2018వ సంవత్సరంలోనే నందమూరి బాలకృష్ణని కలిసి ఓ కథ వినిపించాడు దర్శకుడు అనిల్ రావిపూడి. దానికి ‘రామారావు’ అనే టైటిల్ ను ఫిక్స్ చేసారు. బాలకృష్ణ సొంత బ్యానర్ అయిన ‘ఎన్.బి.కె ఫిలిమ్స్’ సమర్పణలో ఓ పెద్ద సంస్థ ఈ ప్రాజెక్టుని నిర్మించాలని ప్లాన్ చేసింది.అయితే అప్పుడు బాలయ్య.. తన తండ్రి ‘ఎన్టీఆర్ బయోపిక్’ తో బిజీగా ఉండడంతో ఈ ప్రాజెక్టుని పక్కన పెట్టారు. అటు తర్వాత అనిల్ రావిపూడికి ఊహించని విధంగా మహేష్ బాబుతో సినిమా చేసే అవకాశం రావడంతో మరింత గ్యాప్ ఏర్పడింది.
అయితే ఆ ‘రామారావు’ టైటిల్ ను ఇప్పుడు మాస్ మహారాజ్ రవితేజ సినిమాకి ఫిక్స్ చేయడం సంచలనంగా మారింది. వివరాల్లోకి వెళితే.. శరత్ మండవ అనే కొత్త దర్శకుడితో రవితేజ ఓ సినిమా చేస్తున్న సంగతి తెలిసిందే. ఇది రవితేజకి 68వ చిత్రం. అయితే దీనికి ‘రామారావు ఆన్ డ్యూటీ’ అనే టైటిల్ ను ఫిక్స్ చేసి ఫస్ట్ లుక్ పోస్టర్ ను కూడా విడుదల చేశారు. అయితే ఈ టైటిల్ ను జనాలు ‘రామారావు’ అనే పిలుస్తారు.
సిన్సియర్ మరియు సీరియస్ కాప్ గా రవితేజ ఈ సినిమాలో కనిపించబోతున్నాడు.ఇందులో అతని పాత్ర పేరు బి. రామారావు అని తెలుస్తుంది.యాదృశ్చికమో ఏంటో తెలీదు కానీ.. ప్రతీసారి బాలయ్య, రవితేజలకు పోటీ పడుతూనే ఉంటుంది. అలా పోటీపడిన ప్రతీసారి రవితేజనే పై చేయి సాధిస్తూ ఉంటాడు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
