Khiladi Trailer: ‘పేకాటలో నలుగురు కింగ్స్ ఉంటారు.. ఈ ఆటలో ఒక్కడే కింగ్’

మాస్ యాక్ష‌న్ ఎంట‌ర్‌టైన‌ర్‌గా రూపొందిన లేటెస్ట్ సినిమా ‘ఖిలాడి’. ఇందులో హీరో ర‌వితేజ డ్యూయెల్ రోల్ చేస్తున్నారు. డింపుల్ హ‌య‌తి, మీనాక్షి చౌద‌రి హీరోయిన్లుగా కనిపించనున్నారు. జయంతిలాల్‌ గడ సమర్పణలో హ‌వీష్ ప్రొడ‌క్ష‌న్‌, పెన్ స్టూడియోస్ బ్యానర్‌పై రూపుదిద్దుకుంటున్న ఈ సినిమాకు రమేశ్ వర్మ దర్శకత్వం వహించారు. ఫిబ్ర‌వ‌రి 11న సినిమా విడుదలవుతోంది. దీంతో ప్రమోషన్స్ షురూ చేశారు. ఈ క్రమంలో తాజాగా సినిమా ట్రైలర్ ను విడుదల చేశారు.

Click Here To Watch

‘ఎప్పుడూ ఒకే టీమ్ కి ఆడడానికి నేషనల్ ప్లేయర్ ని కాదు.. ఐపీఎల్ ప్లేయర్.. ఎవడు ఎక్కువకి పాడుకుంటే వాడికే ఆడతాను’ అని రవితేజ చెప్పే డైలాగ్ తో ట్రైలర్ మొదలైంది. యాక్షన్ అండ్ రొమాంటిక్ సీన్స్ తో ట్రైలర్ ని నింపేశారు. ‘మెటల్ డిటెక్టర్ లాగ ఇక్కడ మనీ డిటెక్టర్ ఉంటుంది’ , ‘పేకాటలో నలుగురు కింగ్స్ ఉంటారు.. ఈ ఆటలో ఒక్కడే కింగ్’ లాంటి డైలాగ్స్ ట్రైలర్ కి హైలైట్ గా నిలిచాయి.

మీనాక్షి చౌదరితో రవితేజ లిప్ లాక్ సీన్స్ ను ట్రైలర్ లో చూపించారు. సినిమాలో ఆమెని బాగా హాట్ గా చూపించారని ట్రైలర్ చూస్తేనే అర్ధమవుతోంది. మరో నటి డింపుల్ హయతి మాత్రం పద్దతిగా కనిపించింది. అనసూయకి కూడా కొన్ని డైలాగ్స్ ఇచ్చారు. టోటల్ గా ట్రైలర్ అయితే ఓకే అనిపించింది. స్టోరీని రివీల్ చేయకుండా ఆసక్తి క్రియేట్ చేసే ప్రయత్నం చేశారు దర్శకుడు. సోమవారం నాడు ఈ సినిమా సెన్సార్ కార్యక్రమాలు పూర్తయ్యాయి.

సినిమాకు యు/ఏ సర్టిఫికెట్ లభించింది. బాలీవుడ్ ప్రొడక్షన్ కంపెనీ పెన్ స్టూడియోస్, ఏ స్టూడియోస్ సంయుక్తంగా నిర్మించిన ఈ చిత్రానికి శ్రీకాంత్ విస్సా, దేవీ శ్రీ ప్రసాద్ సోదరుడు సాగర్ మాటలు రాశారు. శ్రీమణి సాహిత్యం అందించారు.

అధికారిక ప్రకటన ఇచ్చారు.. కానీ సినిమా ఆగిపోయింది..!

బ్రహ్మానందం కామెడీతో హిట్టైన 10 సినిమాల లిస్ట్..!
తమిళంలో సత్తా చాటిన తెలుగు సినిమాలు … టాప్ 10 లిస్ట్ ఇదే ..!
అంతా ఓకే అయ్యి ఆగిపోయిన చిరంజీవి సినిమాలివే!