ఆర్ఆర్ఆర్ మూవీ నార్త్ ఇండియాలో రికార్డు స్థాయిలో స్క్రీన్లలో విడుదలైన సంగతి తెలిసిందే. రిలీజ్ రోజున నార్త్ ఇండియాలో ఆర్ఆర్ఆర్ భారీ స్థాయిలో కలెక్షన్లను సాధించకపోయినా క్రిటిక్స్ నుంచి పాజిటివ్ రివ్యూలు రావడంతో రెండో రోజు నుంచి ఈ సినిమా అంచనాలను మించి కలెక్షన్లను సొంతం చేసుకుంటోంది. ఆర్ఆర్ఆర్ మూవీ విడుదలైన వారం తర్వాత థియేటర్లలో ఎటాక్ మూవీ రిలీజైన సంగతి తెలిసిందే. జాన్ అబ్రహం నటించిన ఎటాక్ తొలిరోజు కలెక్షన్లు ఆయన అభిమానులను సైతం షాక్ కు గురి చేస్తున్నాయి.
ఎటాక్ మూవీ తొలిరోజు కలెక్షన్లు 3 కోట్ల రూపాయలకు అటూఇటుగా ఉన్నాయని సమాచారం అందుతోంది. ఆర్ఆర్ఆర్ మూవీ తొలిరోజు సాధించిన కలెక్షన్లలో సగం కూడా ఎటాక్ సినిమా సాధించకపోవడం గమనార్హం. తాజాగా జాన్ అబ్రహం దక్షిణాది చిత్రాలను చిన్నచూపు చూస్తూ వివాదాస్పద కామెంట్లు చేశారు. ఆర్ఆర్ఆర్ మూవీ కింద ఎటాక్ మూవీ నలిగిపోయినట్లేనని కామెంట్లు వ్యక్తమవుతున్నాయి. హిందీలో ఎటాక్ సినిమాను ప్రదర్శిస్తున్న థియేటర్లు ఖాళీగా దర్శనమిస్తుంటే ఆర్ఆర్ఆర్ మూవీ ప్రదర్శిస్తున్న థియేటర్లు మాత్రం ఫుల్ అవుతున్నాయి.
ది కశ్మీర్ ఫైల్స్ సినిమాకు కూడా హిందీలో బుకింగ్స్ బాగానే ఉండటం గమనార్హం. ఆర్ఆర్ఆర్ హిందీలో ఫుల్ రన్ లో 100 కోట్ల రూపాయలకు పైగా షేర్ కలెక్షన్లు సాధించే అవకాశాలు ఉన్నాయి. తెలుగు రాష్ట్రాల్లోని పలు ఏరియాల్లో ఇప్పటికే ఈ సినిమా బ్రేక్ ఈవెన్ కావడంతో పాటు డిస్ట్రిబ్యూటర్లకు లాభాలను అందిస్తోంది. ఈ ఏడాది విడుదలైన సినిమాలలో ఆర్ఆర్ఆర్ మూవీ బిగ్గెస్ట్ బ్లాక్ బస్టర్ హిట్లలో ఒకటిగా నిలిచింది.
ఎన్టీఆర్, చరణ్ లకు ఆర్ఆర్ఆర్ సక్సెస్ తో పాన్ ఇండియా హీరోలుగా గుర్తింపు దక్కింది. సినిమాసినిమాకు దర్శకునిగా రాజమౌళి స్థాయి అంతకంతకూ పెరుగుతోంది. తన సినిమాల ద్వారా జక్కన్న టాలీవుడ్ స్టార్స్ కు పాన్ ఇండియా హీరోలుగా గుర్తింపు రావడానికి కారణమవుతున్నారు.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
Home