మలయాళంలో సూపర్ హిట్ అయిన ‘ప్రేమమ్’ చిత్రాన్ని.. సాయి పల్లవి మొదటి చిత్రంగా ఎక్కువ చెబుతుంటారు. కానీ అంతకు ముందే సాయి పల్లవి తమిళ చిత్రాల్లో నటించింది. ‘కస్తూరి మాన్’ ‘ధామ్ ధూమ్’ వంటి చిత్రాల్లో చిన్న పాత్రలు చేసింది. స్టార్ హీరోయిన్ కంగనా రనౌత్, ‘జయం’ రవి కాంబినేషన్లో వచ్చిన ‘ధామ్ ధూమ్’ చిత్రంలో సాయి పల్లవి.. కంగనా స్నేహితురాలిగా నటించింది. ఈ చిత్రానికి సంబంధించిన ఓ వీడియో సోషల్ మీడియాలో తెగ వైరల్ అవుతుంది.
ఈ చిత్రంలో నటించినట్టు సాయి పల్లవి కూడా ఓ సందర్భంలో చెప్పుకొచ్చింది. సాయి పల్లవి మాట్లడుతూ.. ” అవును ‘ధామ్ ధూమ్’ లో చిత్రంలో నేను కూడా నటించాను. కానీ ఆ సినిమాని నా మొదటి సినిమాగా భావించడం లేదు. 6 తరగతి చదువుతున్న రోజుల్లో క్లాస్ లు ఎగ్గొట్టి బయటకి వెళ్ళి.. 2 రోజుల పాటు షూటింగ్ లో పాల్గొన్నాను. అప్పట్లో షూటింగ్ అంటే నాకు చాలా డిస్- కంఫర్ట్ గా అనిపించేది. ఎండలో అయినా వానలో అయినా షూటింగ్ చెయ్యాలి. చేసిన సీన్ మళ్ళీ మళ్ళీ చెయ్యాలి.
‘అన్ని టేక్ లు చెయ్యాలా.. ఎలా చేస్తారు’ అనుకునేదాన్ని. చీటికీ మాటికీ బట్టలు మార్చుకుని రావాలి, మేకప్ లు వేసుకోవాలి. బాబాయ్ చాలా కష్టం అని కూడా అనుకునేదాన్ని.! కానీ ఇప్పుడు నేను కూడా నటిస్తున్నాను” అంటూ ఆమె చెప్పుకొచ్చింది. ఇక తెలుగులో కూడా స్టార్ హీరోయిన్ గా ఎదిగిన సాయి పల్లవి.. ఇప్పుడు నాగ చైతన్య- శేఖర్ కమ్ముల డైరెక్షన్లో తెరకెక్కుతోన్న ‘లవ్ స్టోరీ’ చిత్రంలో హీరోయిన్ గా నటిస్తుంది. దాంతో పాటు రానా చిత్రం ‘విరాటపర్వం’ లో కూడా నటిస్తుంది.
మేకప్ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
