టాలీవుడ్ లో దూసుకుపోతోన్న ప్రేమమ్ బ్యూటీ

‘ప్రేమమ్(మలయాళం)’ సినిమా ద్వారా మలయాళ నటి సాయి పల్లవి మంచి గుర్తింపు తెచ్చుకుంది. అచ్చమైన మలయాళీగా నటించి ఎన్నో అవార్డులను సొంతం చేసుకుంది. ప్రస్తుతం ఆమె తెలుగులో వరుణ్ తేజ్ పక్కన నటిస్తోంది. శేఖర్ కమ్ముల దర్శకత్వంలో దిల్ రాజు నిర్మిస్తున్న ఫిదా చిత్రం ద్వారా తెలుగు తెరకు పరిచయం అవుతోంది. ఈ మూవీ రిలీజ్ కాకముందే సాయి పల్లవి అనేక ఆఫర్స్ అందుకుంటోంది. నాని నిన్ను కోరీ తర్వాత దిల్ రాజు ప్రొడక్షన్ ఎంసిఎ చేస్తున్నారు.

శ్రీరామ్‌ వేణు దర్శకత్వంలో తెరకెక్కనున్న ఈ మూవీలోనూ సాయి పల్లవి కథానాయికగా ఖరారు అయింది. ఇది ఇంకా రెగ్యులర్ షూటింగ్ కి వెళ్లక ముందే మరో సినిమాకి సాయి పల్లవి సైన్ చేసింది. యువ హీరో నాగ్ సూర్య సరసన నటించదానికి అంతా సిద్ధమైంది. అంతేకాదు కొంతమంది తెలుగు యువ హీరోలు ఆమెను తన సినిమాలో నటింపజేయించాలని ప్రయత్నాలు చేస్తున్నట్లు ఫిలిం నగర్ వర్గాలవారు తెలిపారు. సాయి పల్లవి డిమాండ్ చూస్తుంటే రాబోయే కాలంలో తెలుగు టాప్ హీరోయిన్లకు గట్టీ పోటీ ఇవ్వనున్నట్లు కనిపిస్తోంది.

Also, do SUBSCRIBE to our YouTube channel to get latest Tollywood updates.