‘మారి’లోని ‘రౌడీ బేబీ..’ పాట హిట్‌ అవ్వడానికి కారణం ఎవరు? సోషల్‌ మీడియాలో ఈ చర్చ చాలా రోజుల నుంచి నడుస్తోంది. అయితే దానికి సమాధానం చెప్పడం ఎవరి తరమూ కాదు. ఎందుకంటే అందరూ కలసి పని చేస్తేనే ఆ పాట అంత హిట్‌ అయ్యింది. ఎవరి అభిమానులు వారికి సపోర్టు చేస్తారు. అయితే ఇదంతా మొదలైంది మాత్రం పాట 100 కోట్ల వ్యూస్‌ డీపీ రిలీజ్‌ అయినప్పుడే. చిత్రబృందం రిలీజ్‌ చేసిన డీపీలో సాయిపల్లవి ప్రస్తావన లేకపోవడంతో ‘ఇదేంటి హీరోయిన్‌ ప్రస్తావన’ లేకుండా డీపీనా అని ప్రశ్నించడం మొదలు పెట్టారు. కొన్ని రోజులపాటు ‘WhereisSaipallavi’ హ్యాష్‌ట్యాగ్‌ ట్రెండింగ్‌లో ఉంది.
‘రౌడీ బేబీ’ డీపీ విషయమై ఇటీవల ఓ ఇంటర్వ్యూలో సాయిపల్లవి స్పందించింది. అంతేకాదు ఈ మొత్తం వ్యవహారంలో ధనుష్ అండ్‌ టీమ్‌ను సపోర్టు కూడా చేసింది. ‘‘చిత్ర నిర్మాణ సంస్థ షేర్‌ చేసిన డీపీ ఫ్యాన్‌ మేడ్‌’ అంటూ లైట్‌ తీసుకుంది. అంతేకాదు పాట వంద కోట్ల వ్యూస్‌ విషయాన్ని ధనుష్ తనకు ఫోన్‌ చేసి చెప్పాడని, మేం ఆ మూమెంట్‌ను ఎంతో ఎంజాయ్‌ చేశామని కూడా చెప్పింది. అయితే ఆ డీపీ ఫ్యాన్‌మేడ్‌ కాదనే చూస్తేనే అర్థమవుతోంది. ఇక సాయిపల్లివి ఎందుకు అలా చెప్పింది అనేది ఆమెకే తెలియాలి.
ధనుష్ లాంటి పెద్ద హీరోతో ఎందుకు ఇబ్బంది అనుకుందో, లేక కాంట్రవర్సీని ఇక్కడితో ఆపేద్దాం అనుకుందో ఏమో అంటూ నెటిజన్లు ట్వీట్లు చేస్తున్నారు. మామూలుగా అయితే ఇలాంటి విషయాల్ని హీరోయిన్లు వదిలేసినా, వాళ్ల అభిమానులు వదిలేయరు. ఇంకా ఈ విషయాన్ని ఎంతవరకు తీసుకొస్తారో చూడాలి. లేక ధనుష్ ఏమన్నా స్పందించి, మొత్తం కాంట్రవర్శీకి తెరదిస్తాడేమో.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
Home
