“ప్రేమమ్ (మలయాళం)” సినిమా ద్వారా మలయాళ నటి సాయి పల్లవి మంచి గుర్తింపు తెచ్చుకుంది. అచ్చమైన మలయాళీగా నటించి ఎన్నో అవార్డులను సొంతం చేసుకుంది. తెలుగులో ఫిదా మూవీ చేసింది. ఇందులో అచ్చమైన తెలంగాణ అమ్మాయి భానుమతిలా నటించి అందరి మనసులు గెలుచుకుంది. అలాగే తమిళంలోను తన మార్కు నటనతో ఆకట్టుకోవడానికి సిద్ధమైంది. విజయ్ దర్శకత్వంలో కరు చిత్రం ద్వారా కోలీవుడ్ లో ఎంటర్ కాబోతోంది. ఈ కథ మొత్తం అబార్షన్ల నేపథ్యంలో సాగుతుంది. ఇందులో సాయిపల్లవి నాలుగేళ్ల పాపకి తల్లిగా నటించనుంది.
అంతేకాదు ఆమె పాత్ర డీ గ్లామర్ లుక్‌ ఉంటుందని దర్శకుడు ఏఎల్‌ విజయ్ చెప్పారు. ఇంకా సాయి పల్లవి రోల్ గురించి మాట్లాడుతూ “ఇది చాలెంజింగ్ పాత్ర. అయినా ఈ రోల్‌కు సాయి పల్లవి వంద శాతం న్యాయం చేసింది. మలయాళం, తెలుగు భాషల్లో క్రేజీ హీరోయిన్‌గా పేరొందుతున్న సందర్భంతో ఇలాంటి రోల్ చేయడం సాహసమే” అని సాయి పల్లవిని విజయ్ ప్రశంసించారు. ప్రస్తుతం షూటింగ్ పూర్తి చేసుకున్న ఈ మూవీ పోస్ట్ ప్రొడక్షన్ పనులను పూర్తి చేసుకొని త్వరలోనే రిలీజ్ కానుంది.
Home
