Sai Tej: కాపాడిన వ్యక్తికి సాయంపై స్పందించిన సాయితేజ్.. చేతులు దులుపుకోనంటూ?

పవన్, సాయితేజ్ కాంబినేషన్ లో తెరకెక్కిన బ్రో సినిమా థియేటర్లలో విడుదల కావడానికి మరికొన్ని గంటల సమయం మాత్రమే ఉంది. ఈ సినిమా సాయితేజ్ నటించిన తొలి రీమేక్ మూవీ కావడం గమనార్హం. త్రివిక్రమ్ శ్రీనివాస్ ఈ సినిమాకు స్క్రీన్ ప్లే, డైలాగ్స్ అందించగా కేతికా శర్మ, ప్రియా వారియర్ ఈ సినిమాలో హీరోయిన్లుగా నటించారు. సముద్రఖని డైరెక్షన్ లో భారీ బడ్జెట్ తో ఈ సినిమా తెరకెక్కింది.

పవన్ కేవలం 21 రోజుల్లో తన పాత్రకు సంబంధించిన షూట్ ను పూర్తి చేశారు. ఈ సినిమాలోని మెజారిటీ సన్నివేశాల్లో పవన్ కళ్యాణ్ కనిపిస్తారని తెలుస్తోంది. ఈ సినిమా షూటింగ్ జరిగినన్ని రోజులు పవన్ ఉపవాసం ఉన్నారు. కేవలం 53 రోజుల్లో షూట్ ను పూర్తి చేసుకుని ఈ సినిమా థియేటర్లలో విడుదలవుతోంది. గత సినిమాలలో సీరియస్ రోల్స్ లో నటించిన పవన్ కళ్యాణ్ ఈ సినిమాలో ఎంటర్టైన్మెంట్ కు ప్రాధాన్యత ఉన్న రోల్ లో నటించారు.

ఈ సినిమా ప్రమోషన్స్ లో భాగంగా సాయితేజ్ మాట్లాడుతూ నేను (Sai Tej) నటుడిని కావడానికి సహాయ సహకారాలు అందించింది పవన్ అని చెప్పారు. చిన్నప్పుడు కళ్యాణ్ మామయ్యతో ఎక్కువగా గడిపేవాడినని ఆయన అన్నారు. బ్రో మూవీ ఈ క్షణంలో బ్రతకడం గురించి చెప్పే కథ అని సాయితేజ్ వెల్లడించారు. కథ విషయంలో త్రివిక్రమ్ చాలా సలహాలు ఇచ్చారని సాయితేజ్ పేర్కొన్నారు.

ప్రభాస్, తారక్, కళ్యాణ్ రామ్, రవితేజ అంటే చాలా ఇష్టమని ఈ హీరోలతో మల్టీస్టారర్ చేయాలని ఉందని సాయితేజ్ చెప్పుకొచ్చారు. ప్రమాద సమయంలో కాపాడిన అబ్దుల్ ఫర్హాన్ కు డబ్బులు ఇచ్చి చేతులు దులుపుకోవాలని భావించడం లేదని ఏ అవసరం వచ్చినా నేనున్నానని అతనికి చెప్పానని సాయితేజ్ తెలిపారు. నెల రోజుల క్రితమే అబ్దుల్ ను కలిశానని నా టీం అబ్దుల్ కు ఎప్పుడూ అందుబాటులో ఉంటుందని సాయితేజ్ పేర్కొన్నారు.

ఆ హీరోల బ్యాక్ గ్రౌండ్ తెలిస్తే షాక్ అవుతారు..!

‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!