టాలీవుడ్ క్యూట్ బ్యూటీ సమంత జనతా గ్యారేజ్ తర్వాత చేయనున్న సినిమా ఫిక్స్ అయింది. డైరక్టర్ సుకుమార్ దర్శకత్వం లో మెగా పవర్ స్టార్ రామ్ చరణ్ తేజ్ నటిస్తున్న మూవీలో హీరోయిన్ గా నటించే అవకాశం దక్కించుకుంది. మైత్రి మూవీ మేకర్స్ వారు నిర్మిస్తున్న ఈ చిత్రంలో మొదట అనుపమ పరమేశ్వరన్ ని అనుకున్నారు. కానీ ఆమె డేట్స్ అడ్జెస్ట్ చేయలేక తప్పుకోవడంతో ఆ స్థానంలో సమంత వచ్చింది. గ్రామీణ నేపథ్యం లో సాగే ఈ కథకు స్యామ్ సంతకం చేయడంతో ఆమె అభిమానులు ఆనందపడుతున్నారు.
తొలిసారి చరణ్, సమంత జోడీ కట్టడంతో ఈ చిత్రంపై క్రేజ్ పెరిగింది. అంతేకాదు అక్కినేని ఇంట కోడలిగా అడుగుపెట్టబోతున్న ఈ నటి మెగా హీరోతో కలిసి నటిస్తుండడం ఆసక్తిగా మారింది. జనవరి 30 వ తేదీ పూజా కార్యక్రమాలు జరుపుకోనున్న ఈ మూవీకి మ్యూజిక్ డైరక్టర్ గా దేవీ శ్రీ ప్రసాద్, కెమెరా మెన్ గా రత్నవేలు ఖరారు అయ్యారు. ఈ ఫిల్మ్ ఫిబ్రవరి ఒకటి నుంచి రెగ్యులర్ షూటింగ్ కి వెళ్లనుంది.
Also, do SUBSCRIBE to our YouTube channel to get latest Tollywood updates.
