మహేష్ గురించి ఆసక్తికర విషయాలు వెల్లడించిన సమంత

సూపర్ స్టార్ మహేష్ బాబు, సమంత హిట్ పెయిర్ గా పేరుతెచ్చుకున్నారు. వారిద్దరూ కలిసి నటించిన దూకుడు బ్లాక్ బస్టర్ హిట్ సాధించింది. బ్రహ్మోత్సవం నిరాశపరిచినప్పటికీ సీతమ్మ వాకిట్లో సిరిమల్లె చెట్టు ఫ్యామిలీ ఆడియన్స్ ని ఆకట్టుకుంది. దూకుడు నుంచి సమంత మహేష్ బాబుతో స్నేహం కొనసాగిస్తోంది. మూడు సినిమాలకు కలిసి పనిచేయడంతో అతని గురించి అనేక విషయాలు తెలుసుకుంది. రీసెంట్ గా ట్విట్టర్ వేదికపై ఓ అభిమాని మహేష్ గురించి అడగగానే.. అనేక సీక్రెట్స్ రివీల్ చేసింది. “మహేష్ షూటింగ్ లో బాగా ఉత్సాహంగా ఉంటారు. ఆయనుంటే సమయమే తెలియదు. సెట్స్ అంతా సందడి సందడిగానే ఉంటుంది.

అలా అని మహేష్ షూటింగ్ ని తేలికగా తీసుకోరు. తీయబోయే సన్నివేశం గురించి, అందులో చెప్పాల్సిన డైలాగ్స్ వంటి విషయాలపై ఆలోచిస్తారు. అప్పుడు ఆయన్ని డిస్ట్రబ్ చేస్తే కోపంతో ఊగిపోతారు. సినిమాపైనే దృష్టి అంతా పెడుతారు.” అని వివరించింది. ప్రస్తుతం సమంత రంగస్థలం 1985 చిత్రంలో రామ్ చరణ్ తేజ్ సరసన నటిస్తోంది. రాజు గారి గది 2, మహానటి సినిమాల్లో కీలకరోల్ పోషిస్తోంది.

Also, do SUBSCRIBE to our YouTube channel to get latest Tollywood updates.