టాలీవుడ్ స్టార్ హీరోయిన్లలో ఒకరైన సమంత ఖుషి సినిమాతో మరో బ్లాక్ బస్టర్ హిట్ ను అందుకున్నారు. కొత్త సినిమాల నుంచి పోటీ ఎదురవుతున్నా ఖుషి సినిమా మాత్రం ఏ సెంటర్స్ లో అదిరిపోయే రేంజ్ లో కలెక్షన్లను సొంతం చేసుకుంటోంది. తన దగ్గర పని చేసేవాళ్లను సమంత ఎంతో గౌరవిస్తారనే సంగతి తెలిసిందే. సామ్ దగ్గర అసిస్టెంట్ గా పని చేసే ఆర్యన్ తాజాగా సామ్ గొప్పదనం గురించి వెల్లడించగా అ విషయాలు వైరల్ అవుతున్నాయి.
ఒక యూట్యూబ్ ఛానల్ కు ఇచ్చిన ఇంటర్వ్యూలో ఆర్యన్ మాట్లాడుతూ తన స్వస్థలం గుంటూరు అని అనేక పనులు చేసి సినిమా ఇండస్ట్రీలోకి వచ్చానని ఆర్యన్ అన్నారు. కొంతమంది నటుల దగ్గర అసిస్టెంట్ గా పని చేసిన తర్వాత సమంత దగ్గర అసిస్టెంట్ గా పని చేసే ఛాన్స్ దక్కిందని ఆర్యన్ అభిప్రాయం వ్యక్తం చేశారు. దూకుడు మూవీ షూట్ సమయంలో కొత్త బైక్ కొనుగోలు చేయడానికి సమంత మేడమ్ సహాయం చేశారని ఆర్యన్ పేర్కొన్నారు.
స్మార్ట్ ఫోన్ కొనుగోలు విషయంలో కూడా సమంత నుంచి సహాయం అందిందని ఆర్యన్ చెప్పుకొచ్చారు. నా దృష్టిలో సమంత తల్లిలాంటిదని ఆర్యన్ కామెంట్లు చేశారు. కొడుకు పుట్టిన సమయంలో షూటింగ్ లో బిజీగా ఉన్నా సమంత గారు నా కొడుకును ఎత్తుకుని ముద్దాడారని ఆయన చెప్పుకొచ్చారు. సామ్ (Samantha) మంచి మనస్సు గురించి ఆర్యన్ చెప్పిన విషయాలు వైరల్ అవుతున్నాయి.
నా జీవితంలో దేవుడి గురించి మాట్లాడాల్సి వస్తే సమంత మేడమ్ దేవుడు అని ఆర్యన్ వెల్లడించారు. సమంత తనుసంపాదించిన డబ్బులో కొంత మొత్తాన్ని తన దగ్గర పని చేసేవాళ్లకు ఎలాంటి ఇబ్బంది లేకుండా చూసుకోవడానికి ఖర్చు చేస్తారు. ఆర్యన్ సమంతను తల్లితో, దేవుడితో పోల్చారంటే సామ్ మనస్సు ఎంత మంచిదో అర్థమవుతుంది. సమంత మయోసైటిస్ వ్యాధి నుంచి త్వరగా కోలుకుని కెరీర్ పరంగా మళ్లీ బిజీ కావాలని అభిమానులు భావిస్తున్నారు.
జవాన్ సినిమా రివ్యూ & రేటింగ్!
మిస్ శెట్టి మిస్టర్ పోలిశెట్టి సినిమా రివ్యూ & రేటింగ్!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!
Home