‘కింగ్’ నాగార్జున హీరోగా నటిస్తున్న చిత్రం ‘మన్మధుడు2’. రాహుల్ రవీంద్రన్ డైరెక్షన్లో రూపొందుతున్న ఈ చిత్రాన్ని ‘అన్నపూర్ణ స్టూడియోస్’ ‘మనం ఎంటర్టైన్మెంట్స్’ బ్యానర్ పై రూపొందుతుంది. ఇక ఈ చిత్రంలో సమంత కూడా ఓ కీలక పాత్ర పోషిస్తున్న సంగతి తెలిసిందే. అయితే నాగార్జున కోడలు ఈ చిత్రంలో ఎలాంటి పాత్ర పోషిస్తుంది అనే ఆసక్తి అందరిలోనూ ఉంది. అయితే ఇప్పుడు సమంత పాత్ర పై ఓ క్లారిటీ వచ్చిందంటూ టాక్ నడుస్తుంది. ఈ చిత్రంలో ఫ్లాష్ బ్యాక్ ఎపిసోడ్ లోకి తీసుకెళ్లే పాత్రలో సమంత కనిపించబోతుందట.
‘మన్మథుడు’ సినిమాలో హీరో .. అమ్మాయిలకి ఎందుకు దూరంగా వుంటాడనేది తనికెళ్ల భరణి చెబుతూ ఫ్లాష్ బ్యాక్ లోకి తీసుకెళ్తాడు. అలాంటి పాత్రనే ఈ చిత్రంలో సమంత చేస్తోందట. ‘మన్మథుడు 2’లో హీరో అమ్మాయిలతో మాత్రమే చనువుగా ఉండడట. అందుకు కారణమేమిటనేది సమంత చెబుతుందని ఫిలింనగర్ విశ్లేషకులు చెప్పుకొస్తున్నారు. మరి ఈ చిత్రంతో నాగ్ ఎలాంటి హిట్టు కొడతాడా చూడాలి.
Home