మహేష్, మురుగదాస్ మూవీకి ఆ పేరు పెట్టరు

సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న మూవీ టైటిల్ పై చర్చ జరుగుతోంది. ఏక కాలంలో తెలుగు, తమిళ భాషల్లో తెరకెక్కుతున్న ఈ ఫిల్మ్ 90 శాతం షూటింగ్ పూర్తి చేసుకున్నప్పటికీ  ఇంకా టైటిల్ ఖరారు చేయలేదు. ఇన్వెస్ట్ గేషన్ ఆఫీసర్ గా మహేష్ నటిస్తున్న ఈ మూవీకి మొదట్లో వాస్కోడిగామా, స్టన్ గన్, ఎనిమీ, ఏజెంట్ శివ, అభిమన్యు అని పేర్లు వినిపించాయి. కొన్ని రోజుల క్రితం సంభవామి అనే పేరు ప్రచారం లోకి వచ్చింది. సాయి ధరమ్ తేజ్ ‘విన్నర్’ ప్రీ రిలీజ్ ఈవెంట్లో నిర్మాత పీవీపీ ఆ చిత్ర ప్రొడ్యూసర్ ఠాగూర్ మధు గురించి మాట్లాడుతూ ‘ఠాగూర్ మధు ఈ ఏడాది మిస్టర్, విన్నర్, సంభవామి యుగే యుగే అనే మూడు సినిమాలు చేస్తున్నారు. అన్నీవిజయవంతమవ్వాలి’ అన్నారు.

దీంతో మహేష్ చేస్తున్న సినిమా పేరు ‘సంభవామి యుగే యుగే’ అని అందరూ అనుకున్నారు. కానీ ఈ పేరుని మహేష్ అంగీకరించరని అతని ఫ్యాన్స్ చెబుతున్నారు. ఎందుకంటే. నాలుగేళ్ల క్రితం ఇదే పేరుతో తెలుగు సినిమా వచ్చింది. ఈ చిత్ర నిర్మాణంలో డైరక్టర్ క్రిష్ కి భాగస్వామ్యం ఉంది. ఈ సినిమాకి సరైన ప్రమోషన్ లేక రిలీజ్ అయినట్లు కూడా చాలామందికి తెలియదు. కావున ఇలా వచ్చేసిన మూవీ పేరుని తన చిత్రానికి ప్రిన్స్ పెట్టుకోరని అభిమానులు నమ్మకంగా ఉన్నారు. సూపర్ స్టార్ తొలి సారి చేస్తున్న ద్విభాషా చిత్రానికి ఏ పేరు పెడుతారోనని తెలుగు, తమిళ చిత్ర పరిశ్రమ వర్గాల వారు ఆసక్తిగా ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.