శంకర్‌ సినిమాలు అంటే… భారీతనం, భారీ బడ్జెట్‌. ఈ విషయం ఎవరికైనా తెలుసు. అయితే వీటితోపాటు మరొకటి పక్కాగా ఉంటుంది. అదే బలమైన ఫ్లాష్‌బ్యాక్‌. సినిమాకు పట్టు ఉండాలంటే బలమైన ఫ్లాష్ బ్యాక్ పక్కాగా ఉండాలి. ఈ విషయాన్ని శంకర్‌ బలంగా నమ్ముతారు. అందుకే తన సినిమాల్లో బరువైన ఫ్లాష్‌బ్యాక్‌లు చూస్తుంటాం. ఇప్పుడు రామ్‌చరణ్‌ సినిమాలో కూడా అలాంటి ఫ్లాష్‌బ్యాక్‌ పక్కా అంటున్నారు. ఆ సీన్స్‌ చూస్తే… కచ్చితంగా గుండె బరువెక్కుతుంది అని చెబుతున్నారు. త్వరలో ఈ సన్నివేశాల చిత్రీకరణ ఉంటుందని టాక్‌.
శంకర్‌ గత సినిమాలు పరిశీలిస్తే… ఇలాంటి భారమైన ఫ్లాష్‌బ్యాక్‌లు కనిపిస్తాయి. ‘జెంటిల్‌మెన్‌’, ‘భారతీయుడు’, ‘జీన్స్‌’, ‘అపరిచితుడు’ లాటి సినిమాల్లో ఇలాంటి ఫ్లాష్‌బ్యాక్‌ సీన్స్‌ చూడొచ్చు. ‘జెంటిల్‌మెన్‌’లో అర్జున్‌ – వినీత్‌ మధ్య నడిచే ఎపిసోడ్‌ గురించి ప్రత్యేకంగా గుర్తు చేయక్కర్లేదు. ఆ సినిమా పేరు చెబితే మంటల్లో వినీత్‌ కాలిపోయే ఎపిసోడ్‌ కళ్ల ముందు కదలాడుతుంది. ఇక ‘భారతీయుడు’ సినిమాలో పెద్ద కమల్‌హాసన్‌ సన్నివేశాలు చాలావరకు హీరోయిజం చూపిస్తాయి, అలాగే భారంగానూ ఉంటాయి.
ఇక ‘జీన్స్‌’ విషయానికొస్తే… నాజర్‌ ఫ్లాష్‌బ్యాక్‌ ఎపిసోడ్‌ మొత్తం ఇలానే ఉంటుంది. పేదింటి కష్టాలు, కుటుంబ సమస్యలు భారంగా ఉంటాయి. ఇక ‘అపరిచితుడు’లో చూస్తే… విద్యుత్తు సిబ్బంది నిర్లక్ష్యం వల్ల విక్రమ్‌ సోదరి మృతి చెందే సన్నివేశాలు అలానే ఉంటాయి. ప్రస్తుత ఉద్యోగ వ్య‌వ‌స్థ తీరు తెన్నులు, ప్ర‌జ‌ల హ‌క్కుల గురించి ప్ర‌ధానంగా శంకర్‌ – చరణ్ సినిమా ఉంటుందని సమాచారం. ఇందులో చరణ్ ఐఏఎస్ అధికారిగా క‌నిపించ‌బోతున్నాడట. అయితే… రామ్ చరణ్ పాత్రకు ఓ బలమైన ఫ్లాష్ బ్యాక్ ఉంటుందట.
అది భావోద్వేగ భ‌రితంగా ఉంటుందని, ప్రేక్ష‌కులను ఎమోషనల్‌ చేస్తుందని టాక్‌. ఆ సన్నివేశాల వల్లే క‌థానాయ‌కుడి ల‌క్ష్యం మారుతుంద‌ని చెబుతున్నారు. అదే కథకు కీలక మలుపు అంటున్నారు. ఆ కీలక సన్నివేశాల చిత్రీకరణ త్వరలో ఉంటుందట. ప్రస్తుతం చరణ్ ‘ఆర్‌ఆర్‌ఆర్‌’ ప్రచారం పనుల్లో బిజీగా ఉన్నారు. ఆ సినిమా జనవరి 7న విడుదలవుతోంది. ఆ తర్వాత చరణ్ ‘ఆచార్య’ పనుల్లో బిజీ అయిపోతారు. అంటే శంకర్‌ సినిమా కొత్త షెడ్యూల్‌ ఫిబ్రవరి రెండో వారంలో ఉండొచ్చు. అప్పుడు ఈ విషయంలో మరికొంత క్లారిటీ వస్తుంది.
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
Home