Sanjjanaa: ‘బుజ్జిగాడు’ షూటింగ్‌ సమయంలో అలా జరిగే సరికి చాలా భయమేసింది: సంజన

సినిమా షూటింగ్‌లో చిన్న ప్రమాదం జరగడం ఆలస్యం.. ఎలా బయటకు వచ్చేస్తుందో ఆ విషయం తెలియదు కానీ.. టామ్‌టామ్‌ అయిపోతుంది. అయితే ఇదంతా ఇప్పుడు మాత్రమే. ఒకప్పుడు సినిమా సెట్‌లో జరిగే విషయాలు బయటకు రావాలంటేచాలా కష్టం. వాళ్లంతట వాళ్లు చెబితే కానీ ఆ విషయాలు తెలిసేవి కావు. అలా ప్రభాస్‌ ‘బుజ్జిగాడు’ సినిమా షూటింగ్‌లో జరిగిన ఓ ప్రమాదం గురించి ఆ సినిమాలో నటించిన సంజన గల్రానీ చెప్పుకొచ్చింది. దీంతో ఆమె మాటలు ఇప్పుడు వైరల్‌గా మారాయి.

ప్రభాస్‌ సినిమాల్లో ‘బుజ్జిగాడు’ సినిమాకి ప్రత్యేకమైన స్థానం ఉంది. అభిమానుల్లోనూ, ప్రభాస్‌ కెరీర్‌లోనూ ఆ సినిమా చాలా స్పెషల్. ప్రభాస్‌ పాత్ర, మాడ్యులేషన్‌, బాడీ లాంగ్వేజ్‌ ఇలా అన్నీ కొత్తగా ఉంటాయి. ఈ సినిమా కమర్షియల్ అంతగా ఆకట్టుకోనప్పటికీ.. ఇప్పటికీ ఆ సినిమాలో సీన్స్‌ వస్తే చూడకమానరు. ఈ సినిమా వచ్చి 15 ఏళ్లు పూర్తయిన సందర్భంగా మరోసారి రిలీజ్‌ కూడా చేశారు. ఈ క్రమంలో అందులో కీలక పాత్రలో నటించిన సంజన గల్రానీ ఓ ఇంటర్వ్యూ ఇచ్చింది.

ఆ ఇంటర్వ్యూలో సినిమా గురించి మాట్లాడుతూ.. ‘బుజ్జిగాడు’ షూటింగ్ సమయంలో జరిగిన ప్రమాదం గురించి చెప్పారు. బస్సులో ఓ యాక్షన్స్ సీన్ చిత్రీకరిస్తున్నప్పుడు ప్రభాస్ ప్రమాదవశాత్తు బస్సు ముందు పడ్డారట. ఆ తర్వాత బస్‌ అతని పై నుండి వెళ్లిపోయిందట. ఆ సమయంలో ప్రభాస్‌ బస్సు మధ్య భాగంలో ఉండిపోవడంతో ఎలాంటి ఇబ్బంది కలగలేదు అని సంజన చెప్పుకొచ్చింది. ప్రభాస్‌ కింద పడగానే.. సేఫ్‌గా ఉన్నాడా లేదా అని చూడడానికి సెట్లో ఉన్న వాళ్లంతా ప్రభాస్ దగ్గరికి పరిగెత్తారట.

ఆ ఘటన చూసి సెట్‌లో ఉన్న వాళ్లంతా ఒకసారిగా ఫ్యానిక్ అయిపోయారు అని (Sanjjanaa) సంజన చెప్పుకొచ్చారు. ‘‘దేవుడి దయ వల్ల ప్రభాస్‌కు ఏమీ కాలేదు. ఆ సమయంలో మేం భయపడిపోయాం. కానీ ప్రభాస్ కూల్‌గా బాగానే ఉన్నాను అని చెప్పారు’’ అని సంజన తెలిపారు. ప్రభాస్ గట్స్ ఎక్కువని, ఆ సమయంలో ఆయన నకు రియల్ లైఫ్ హీరోలా కనిపించారని చెప్పారామె.

బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!

అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు