Prem Kumar Teaser: ప్రేమ్‌ కుమార్‌ పెళ్లి లొల్లి.. భలేగుందే!

‘పెళ్లి’… ఈ కాన్సెప్ట్‌ మన సంతోష్‌ శోభన్‌కు బాగా కలిసొచ్చేలా కనిపిస్తోంది. మొన్నీమధ్య పెళ్లి తర్వాతి కార్యక్రమాల నేపథ్యంలో వచ్చిన ‘ఏక్‌ మినీ కథ’తో హిట్‌ కొట్టిన శోభన్‌… ఇప్పుడు మరో పెళ్లి కాన్సెప్ట్‌తో రాబోతున్నాడు. ఈసారి పీకే అలియాస్‌ ‘ప్రేమ్‌ కుమార్‌’గా. ఈ సినిమా టీజర్‌ను గ్లింప్స్‌ పేరుతో చిత్రబృందం విడుదల చేసింది. కామెడీ ప్లస్‌ ఇంట్రెస్టింగ్‌ ట్విస్ట్‌ కాంబినేషన్‌ హిట్‌ కొడుతున్న సమయంలో అలాంటి ప్రయత్నమే చేసినట్లు కనిపిస్తోంది.

మన హీరో చింతపిక్కల ప్రేమ్‌ కుమార్‌… వరుసగా సంబంధాలు చూస్తూనే ఉంటాడు. అయితే ఎంతకీ పెళ్లి కుదరదు. అయితే ఎందుకు, ఏమిటి అనేది సినిమాలో తెలుస్తుంది. అయితే తీరా చాలా సంబంధాలు చూశాక హీరోయిన్‌ని ఓకే చేస్తాడు. అయితే సరిగ్గా పెళ్లి సమయానికి ట్విస్ట్‌ వస్తుంది. అదేంటి… హీరో ఎందుకలా చేశాడు, ఆఖరులో హీరోయిన్‌ ఎందుకిలా చేసింది అనేది కథ అని టీజర్‌ను డీకోడ్‌ చేస్తే అర్థమవుతోంది. అయితే దర్శకుడు టీజర్‌ కట్‌ ఇలా చేశాడో, కథ ఇలానే ఉంటుందో అనేది చూడాలి.

ఇక పర్‌ఫార్మెన్స్‌ల సంగతి చూస్తే… సంతోష్‌ శోభన్‌ మరోసారి అదరగొట్టేశాడు. చిత్రమైన ఎక్స్‌ప్రెషన్స్‌తో ఆకట్టుకున్నాడు. సుదర్శన్‌కి మరోసారి గట్టిపాత్రే దక్కినట్లుంది. టీజర్‌ ఆఖరులో కనిపించినా… బాగానే నవ్వించాడు. వీరితోపాటు టీజర్‌లో చాలామంది నటులు కనిపిస్తున్నారు. అన్నీ అనుకున్నట్లుగా జరిగితే సంతోష్‌ శోభన్‌కి, దర్శకుడు అభిషేక్‌ మహర్షికి హిట్‌ పక్కా.

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!