మహేష్ స్టామినా ఏమిటో నిరూపిస్తున్న సరిలేరు నీకెవ్వరు

2020 సంక్రాంతి బ్లాక్ బస్టర్ గా నిలిచిన సరిలేరు నీకెవ్వరు బుల్లితెరపై కూడా రికార్డుల మోత మోగిస్తుంది. మహేష్ కెరీర్ బెస్ట్ కలెక్షన్స్ అందుకున్న సరిలేరు నీకెవ్వరు బుల్లితెరపై అత్యధిక టీఆర్పీ అందుకున్న టాలీవుడ్ మూవీగా నిలిచింది. ఈ మూవీ శాటిలైట్ రైట్స్ దక్కించుకున్న సన్ నెట్వర్క్స్ కొద్దిరోజుల క్రితం జెమినీ టీవీలో ప్రసారం చేయగా 23.4 టీఆర్పీ అందుకొని ఆల్ టైం రికార్డు అందుకుంది. అప్పటి వరకు బాహుబలి 2 పేరిటిన ఉన్న 22.7 టీఆర్పీని సరిలేరు నీకెవ్వరు దాటివేయడం విశేషం.

కాగా రెండవ సారి కూడా సరిలేరు నీకెవ్వరు రికార్డు టీఆర్పీ అందుకుంది. సరిలేరు నీకెవ్వరు జెమినీ టీవీలో రెండవ సారి ప్రసారమై 17.4 టీఆర్పీ దక్కించుకొని రికార్డు నెలకొల్పింది. రీ టెలీకాస్ట్ లో కూడా అంత టీఆర్పీ దక్కడం అనేది మామూలు విషయం కాదు. వెండితెరపైనే కాకుండా బుల్లితెరపై కూడా మహేష్ తన స్టామినా చూపిస్తున్నాడు. అనిల్ రావిపూడి దర్శకత్వంలో మాస్ ఎంటరైనర్ గా సరిలేరు నీకెవ్వరు మూవీ తెరకెక్కింది.

మహేష్ ఈ మూవీలో ఆర్మీ మేజర్ రోల్ చేయగా సీనియర్ హీరోయిన్ విజయ శాంతి కీలక రోల్ చేశారు. రష్మిక మందాన హీరోయిన్ గా నటించింది. దేవిశ్రీ ఈ మూవీకి సంగీతం అందించారు. అనిల్ సుంకర, దిల్ రాజు మరియు మహేష్ సంయుక్తంగా ఈ చిత్రాన్ని నిర్మించారు. ఇక మహేష్ తన నెక్స్ట్ మూవీ దర్శకుడు పరుశురామ్ తో చేస్తున్న సంగతి తెలిసిందే. సర్కారు వారి పాట టైటిల్ తో తెరకెక్కనున్న ఈ మూవీ సెప్టెంబర్ నుండి సెట్స్ పైకి వెళ్లనుంది.

Most Recommended Video

ఈ అద్దాల మేడల్లాంటి ఇల్లులు.. మన టాలీవుడ్ హీరోల సొంతం..!
సినిమా హీరోయిన్లకు ఏమాత్రం తీసిపోరు ఈ సీరియల్ హీరోయిన్స్ ..!
టాలీవుడ్ హీరోల భార్యలు.. మెట్టినింటికి తెచ్చిన కట్నాలు ఎంతెంతంటే..!