టాలీవుడ్ సూపర్ స్టార్ మహేష్ బాబు హీరోగా కీర్తి సురేష్ హీరోయిన్ గా పరశురామ్ పెట్ల(బుజ్జి) దర్శకత్వంలో తెరకెక్కిన చిత్రం ‘సర్కారు వారి పాట’. ’14 రీల్స్ ప్లస్’ సంస్థతో కలిసి ‘మైత్రి మూవీ మేకర్స్’ వారు నిర్మిస్తున్న ఈ చిత్రం నిజానికి జనవరి 13న విడుదల కావాల్సి ఉంది. కానీ ‘ఆర్.ఆర్.ఆర్’ ‘రాధే శ్యామ్’ వంటి పాన్ ఇండియా సినిమాలు ఉండడంతో సంక్రాంతి రేసు నుండీ తప్పుకుంది ఈ చిత్రం.
ఈ విషయాన్ని తెలియజేస్తూ నిర్మాతలు ఓ పోస్టర్ ను కూడా మొన్నామధ్య విడుదల చేశారు. అందులో 2022 ఏప్రిల్ 1న ఈ చిత్రాన్ని విడుదల చేస్తున్నట్టు ఖరారు చేశారు. అయితే తాజా సమాచారం ప్రకారం.. ఇప్పుడు ఆ డేట్ కు కూడా ‘సర్కారు వారి పాట’ విడుదలవ్వడం కష్టమే అని ఇండస్ట్రీలో జోరుగా ప్రచారం జరుగుతుంది. నిజానికైతే.. మొదట ఫిబ్రవరిలో ‘సర్కారు వారి పాట’ షూటింగ్ కంప్లీట్ అవుతుందని టీం భావించిందట.
కానీ మహేష్ కు సర్జెరీ జరగడం.. దాంతో రెండు నెలలు అతను బెడ్ రెస్ట్ తీసుకోవాల్సి ఉండడంతో షూటింగ్ కంప్లీట్ అయ్యేసరికి మార్చి ఎండింగ్ వరకు టైం పట్టొచట. దర్శకుడు పరశురామ్ కూడా ఓ పట్టాన కాంప్రమైజ్ అయ్యే మనిషి కాదు. జక్కన్న, సుకుమార్ ల స్టైల్లో చిక్కుతునే ఉంటాడు. పైగా అతను ఓ స్టార్ హీరోతో చేస్తున్న మొదటి చిత్రం ఇది కాబట్టి.. తొందరగా అతను కాంప్రమైజ్ అయ్యే పరిస్థితి కనిపించడం లేదని వినికిడి.
అయితే ఏప్రిల్ 1కి విడుదల కాకపోతే ‘సర్కారు వారి పాట’ కి సరైన డేట్ దొరకడం కూడా కష్టమే, ఎందుకంటే ఏప్రిల్ 14న కె.జి.ఎఫ్, ఏప్రిల్ 29న ‘ఎఫ్3’ చిత్రాలు ఆల్రెడీ డేట్ ను ఫిక్స్ చేసుకున్నాయి.
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
