Sr NTR,Balakrishna: బాలయ్యను హీరోగా నిలబెట్టడానికి ఎన్టీఆర్ అలా చేశారా?

July 12, 2022 / 10:39 AM ISTByFilmy Focus

Join Us

Sr NTR,Balakrishna: బాలయ్యను హీరోగా నిలబెట్టడానికి ఎన్టీఆర్ అలా చేశారా?

స్టార్ హీరో బాలకృష్ణ ప్రస్తుతం సీనియర్ స్టార్ హీరోలలో ఒకరిగా కెరీర్ ను కొనసాగిస్తున్నారు. సింహా, లెజెండ్, గౌతమీపుత్ర శాతకర్ణి, అఖండ విజయాలతో ఈతరం యూత్ ప్రేక్షకుల్లో సైతం బాలయ్యను అభిమానించే అభిమానుల సంఖ్య పెరిగింది. ఫ్యాన్స్ కు నచ్చే కథలకు ఓటేస్తున్న బాలకృష్ణ ఆరు పదుల వయస్సులో కూడా రిస్కీ సన్నివేశాలలో డూప్ లేకుండా నటించడానికి ఇష్టపడుతున్నారు. సీనియర్ ఎన్టీఆర్ కుమారుడిగా బాలయ్య సినిమాల్లోకి ఎంట్రీ ఇచ్చినా తక్కువ సమయంలోనే పాపులారిటీని పెంచుకున్నారు.

అయితే సీనియర్ ఎన్టీఆర్ బాలయ్య హీరోగా సక్సెస్ కావడంలో కీలక పాత్ర పోషించారు. సీనియర్ ఎన్టీఆర్ బాలయ్యను నటవారసునిగా నిలపాలని భావించి సినిమాలలో మొదట హీరోగా కాకుండా హీరో తర్వాత ఆ స్థాయిలో ప్రాధాన్యత ఉన్న పాత్రల్లో నటించేలా చేశారు. ద్వితీయ ప్రాముఖ్య పాత్రలతో బాలకృష్ణ గుర్తింపును సంపాదించుకున్న తర్వాత సీనియర్ ఎన్టీఆర్ బాలయ్య హీరోగా వేములవాడ భీమకవి అనే సినిమాను నిర్మించారు. ఈ సినిమా వాల్ పోస్టర్లలో బాలయ్య నటించిన వేములవాడ భీమకవి అని పేర్కొన్నారు.

బాలయ్యకు ఈ సినిమా ఒక విధంగా అగ్నిపరీక్ష లాంటి మూవీ కాగా ఎంతోమంది సీనియర్ నటులతో కలిసి ఈ సినిమాలో బాలయ్య నటించారు. కెరీర్ తొలినాళ్లలోనే వరుస విజయాలను అందుకున్న బాలకృష్ణ మాస్ ప్రేక్షకులతో పాటు క్లాస్ ప్రేక్షకుల హృదయాలను సైతం గెలుచుకున్నారు. ఎన్నో ప్రయోగాత్మక సినిమాలలో నటించిన బాలకృష్ణ ఆ సినిమాలతో కొన్నిసార్లు పాజిటివ్ రిజల్ట్ ను అందుకోగా మరికొన్ని సందర్భాల్లో ఫ్లాప్ రిజల్ట్ ను అందుకున్నారు.

బాలయ్య ప్రస్తుతం గోపీచంద్ మలినేని దర్శకత్వంలో నటిస్తుండగా ఈ ఏడాదే ఈ సినిమా థియేటర్లలో విడుదల కానుంది. సీనియర్ స్టార్ హీరోలలో ఒకరైన బాలయ్య యంగ్ జనరేషన్ స్టార్ హీరోలకు కూడా గట్టి పోటీ ఇస్తున్నారు. సోషల్ మీడియాలో బాలయ్య యాక్టివ్ గా లేకపోయినా సోషల్ మీడియా ద్వారా పలు కీలక విషయాలను పంచుకుంటున్నారు. తర్వాత ప్రాజెక్ట్ లతో బాలయ్య ఎలాంటి ఫలితాలను అందుకుంటారో చూడాలి.