క్రైం కామెడీ జోనర్లకి ఇప్పుడు మంచి డిమాండ్ ఉంది. అన్నీ కరెక్ట్ గా ఉంటే అవి బాక్సాఫీస్ వద్ద అద్భుతాలు చేస్తున్నాయి. అదే జోనర్లో ఇప్పుడు ‘శర్మ అండ్ అంబానీ’ మూవీ రిలీజ్ అయ్యింది. భరత్ తిప్పిరెడ్డి, ధన్య బాలకృష్ణ, కేరాఫ్ కంచరపాలెం కేశవ కర్రీ కీలక పాత్రల్లో తెరకెక్కిన ఈ సినిమా రిలీజ్ కి రెడీ అవుతుంది. ఈటీవీ విన్ యాప్ లో ఏప్రిల్ 11 నుండి స్ట్రీమింగ్ కాబోతోంది ఈ చిత్రం. ప్రమోషన్స్ లో భాగంగా ఇటీవల ఈ సినిమా నుంచి విడుదలైన ‘మనమే రాజా’ అనే పాట ఆదిత్య మ్యూజిక్ ఛానల్ లో వన్ మిలియన్ వ్యూస్ సాధించి చార్ట్ బస్టర్ గా నిలిచింది.
ఇక తాజాగా మేకర్స్ ఈ సినిమా ట్రైలర్ ని రిలీజ్ చేశారు. శర్మ,అంబానీల లైఫ్ స్టైల్ ని సాంపుల్ గా ఇందులో చూపించారు. శర్మ ఒక ఆయుర్వేదిక్ డాక్టర్ అయితే అతని స్నేహితుడు అంబానీ మాత్రం షూ క్లీన్ చేస్తూ ఉంటాడు. అనుకోకుండా ఒక గ్యాంగ్ కి సంబంధించిన డైమండ్స్ మిస్ కావడంతో వీరి జీవితాలు తారుమారు అయ్యే పరిస్థితి ఏర్పడుతుంది. మరొకపక్క కోర్టులో ధన్య బాలకృష్ణ వాదిస్తున్న తీరు ఆసక్తికరంగా మారింది.
ఇక శర్మ అంబానీ జీవితాల్లో జరిగిన అనుకోని పరిస్థితులు ఎలాంటి పరిస్థితులకు దారి తీసాయి అనేవి ట్రైలర్లు ఆసక్తికరంగా చూపించారు. ఇంకో మాటలో చెప్పాలంటే ట్రైలర్ సినిమా మీద ఆసక్తి పెంచేసింది అని చెప్పాలి. ఈ సినిమాని కార్తీక్ సాయి డైరెక్ట్ చేస్తుండగా కార్తీక్ సాయితో కలిసి భరత్ తిప్పిరెడ్డి కథ అందించారు. అనిల్ పల్లాతో కలిసి భరత్ తిప్పిరెడ్డి ఈ చిత్రాన్ని నిర్మిస్తున్నారు. ఇక ఈ సినిమాలో మానస్ అద్వైత్, రాజశేఖర్ నర్జాల, విశ్వనాథ్ మండలిక, యష్, రూపక్ మరియు హనుమంతరావు వంటి నటులు ఇతర కీలక పాత్రలలో నటించారు. ఈ చిత్రానికి కె.ఎ.స్వామి సినిమాటోగ్రాఫర్‌గా వ్యవహరిస్తుండగా, గౌతం రాజ్ నెరుసు ఎడిటర్. శశాంక్ ఆలమూరు – మహా చిత్రానికి సంగీతం అందించారు.
Home