శర్వానంద్, సాయి పల్లవి సినిమాకి ఆసక్తికర టైటిల్

యువ హీరో శర్వానంద్ తనకి సూట్ అయ్యే కథలతో తన కెరీర్ ని స్మూత్ గా నడిపిస్తున్నారు. రీసెంట్ గా మారుతీ దర్శకత్వంలో మహానుభావుడు సినిమాతో హిట్ అందుకున్న శర్వా .. ప్రస్తుతం హను రాఘవపూడి దర్శకత్వంలో సినిమా చేస్తున్నారు. కృష్ణ గాడి వీర ప్రేమ గాధ విజయం తర్వాత హను రాఘవపూడి చేసిన లై మూవీ నిరాశపరచడంతో.. ఈ సారి ఎలాగైనా హిట్ కొట్టాలని హను మంచి లవ్ స్టోరీని తీసుకున్నట్లు తెలిసింది. కామెడీ కూడా ఎక్కువగా మిక్స్ చేసినట్లు సమాచారం. హీరోయిన్ గా ఫిదా బ్యూటీ సాయి పల్లవి నటిస్తోన్న ఈ మూవీ గురించి ఆసక్తికర న్యూస్ బయటికి వచ్చింది.

ఈ సినిమాకి “పడి పడి లేచే మనసు” అనే టైటిల్ ని దర్శకనిర్మాతలు పరిశీలిస్తున్నారట. పేరులోనే ఇది ప్రేమకథ చిత్రమని తెలుస్తోంది. షూటింగ్ పూర్తి అయ్యేనాటికి ఇంతకన్నా బెటర్ టైటిల్ వస్తే తప్ప ఈ పేరుని మార్చబోరని టాక్. ప్రసాద్ చుక్కపల్లి, సుధాకర్ చెరుకూరి సంయుక్తంగా నిర్మిస్తున్న ఈ సినిమాకి తమిళ మ్యూజిక్ డైరెక్టర్ విశాల్ చంద్రశేఖర్ సంగీతం అందించనున్నారు. ఇతను హను డైరెక్ట్ చేసిన కృష్ణగాడి వీర ప్రేమగాధ సినిమాకు మ్యూజిక్ ఇచ్చారు. ఆ హిట్ కాంబినేషన్లో వస్తున్న ఈ మూవీ కూడా హిట్ అవుతుందని నమ్మకంతో ఉన్నారు.