Vijay, Samantha: శివ మరో మరపురాని ప్రేమకథ తీస్తాడా?

March 23, 2022 / 11:10 PM ISTByFilmy Focus

Join Us

Vijay, Samantha: శివ మరో మరపురాని ప్రేమకథ తీస్తాడా?

టాలీవుడ్‌లో రీసెంట్‌ టైమ్స్‌లో ఓ స్టైల్‌ ఆఫ్‌ మూడ్‌ లవ్‌స్టోరీలు తీయాలంటే వినిపించే అతి కొద్ది పేర్లలో శివ నిర్వాణ ఒకరు. ప్రేమ అంటే అమ్మాయి, అబ్బాయి కలసి తిరగడం, తల్లి దండ్రులకు తెలిసి గొడవలు అవ్వడం, విడదీయాలని చూడటం, హీరోయిజం చూపించి పెళ్లి చేసుకోవడం… ఇలాంటి రొడ్డ కొట్టుడు కథలు కాకుండా తనకంటూ డిఫరెంట్‌ పంథా ఏర్పాటు చేసుకున్నారాయన. ‘నిన్న కోరి’, ‘మజిలీ’ అంటూ డిఫరెంట్‌ సినిమాలు చేశారు. మధ్యలో ‘టక్‌ జగదీష్‌’ అంటూ డిఫరెంట్‌ సినిమా ట్రై చేసి… సరైన విజయం అందుకోలేకపోయాడు.

Click Here To Watch NEW Trailer

ఇప్పుడు శివ నిర్వాణ మరోసారి తన పంథాలోకే వెళ్లి… మరోసారి మరపురాని ప్రేమకథ ఇవ్వాలని చూస్తున్నారట. విజయ్‌ దేవరకొండ – శివ నిర్వాణ కాంబినేషన్‌లో ఓ సినిమా చాలా రోజుల క్రితమే అనౌన్స్‌ అయ్యింది. ‘టక్‌ జగదీష్‌’తో శివ, ‘లైగర్‌’తో విజయ్‌ దేవరకొండ బిజీగా ఉన్నారు. ఆ రెండూ పూర్తవ్వడంతో త్వరలో వీరిద్దరి సినిమా మొదలవుతుంది అని టాక్‌. ఈ సినిమాలో సమంత కథానాయికగా నటిస్తోందనే వార్త ఈ మధ్య ఎక్కువగా వినిపిస్తుంది. దీనిపై ఇంకా క్లారిటీ రాలేదు. అయితే మరో పుకారు మొదలైంది.

శివ నిర్వాణ – విజయ్‌ దేవరకొండ – సమంత సినిమా నేపథ్యం ఇదే అంటూ ఓ వార్త సోషల్‌ మీడియాలో, టాలీవుడ్‌ వర్గాల్లో చక్కర్లు కొడుతోంది. ఈ సినిమాను కశ్మీర్‌ నేపథ్యంలో రాసుకున్నారట శివ నిర్వాణ. కశ్మీర్‌లో ఉండే విజయ్‌ దేవరకొండ, సమంత మధ్య సాగే ప్రేమ కథే ఈ సినిమా అని లేటెస్ట్‌ టాక్‌. ప్ర‌స్తుతం ప్రీ ప్రొడ‌క్ష‌న్ ప‌నులు జ‌రుగుతున్నాయి. ఇటీవ‌ల స‌మంత‌ని క‌లసి శివ ఈ క‌థ‌ని వినిపించారని టాక్‌. ‘మ‌జిలీ’లో స‌మంత పాత్ర‌ని శివ చాలా బాగా తీర్చిదిద్దారు.

అందులోనూ సమంత ప్రస్తుతం వైవిధ్యమైన పాత్రలతో పాటు, కమర్షియల్‌ పాత్రలు చేయడానికి ఓకే చెబుతోంది. ఈ క్రమంలో విజయ్‌తో ప్రేమ కథ చేయడానికి సులభంగానే ఒప్పుకుంటుంది. అందులోనూ ఈ జంట ‘మహానటి’ వావ్‌ అనిపించింది కూడా. ఒకవేళ కశ్మీర్‌ కథ అనేది పక్కా అయితే… రెండు వర్గాల మధ్య సాగే కథనా, లేక ఇంకేమైనా ప్లాట్‌ ఉంటుందా అనేది ఆసక్తికరం.