రవితేజకు భార్యగా, వదినగా నటించిన హీరోయిన్ ఎవరో తెలుసా?

January 2, 2023 / 04:08 PM ISTByFilmy Focus

Join Us

రవితేజకు భార్యగా, వదినగా నటించిన హీరోయిన్ ఎవరో తెలుసా?

సినిమా ఇండస్ట్రీలో కొన్ని కాంబినేషన్లకు ప్రేక్షకుల్లో ఉండే క్రేజ్ అంతాఇంతా కాదు. కొన్ని కాంబినేషన్లలో సినిమా వస్తే మరో సందేహం లేకుండా ఆ మూవీ బ్లాక్ బస్టర్ హిట్ గా నిలుస్తుందని ఫ్యాన్స్ సైతం భావిస్తున్నారు. రవితేజ శృతి హాసన్ కాంబినేషన్ కు ఇండస్ట్రీలో ఊహించని స్థాయిలో క్రేజ్ ఉంది. రవితేజ శృతి హాసన్ కాంబినేషన్ లో బలుపు, క్రాక్, వాల్తేరు వీరయ్య సినిమాలు తెరకెక్కాయనే సంగతి తెలిసిందే. అయితే బలుపు సినిమాలో మాస్ మహారాజ్ రవితేజకు గర్ల్ ఫ్రెండ్ గా నటించిన శృతి హాసన్ క్రాక్ సినిమాలో రవితేజకు భార్య పాత్రలో నటించారు.

బలుపు, క్రాక్ సినిమాలకు గోపీచంద్ మలినేని దర్శకుడు కాగా ఈ రెండు సినిమాలు ఒక సినిమాను మించి మరొకటి సక్సెస్ ను సొంతం చేసుకున్నాయి. 50 శాతం ఆక్యుపెన్సీ థియేటర్లలో అమలవుతున్న సమయంలో విడుదలైన క్రాక్ అటు మాస్ ప్రేక్షకులకు, ఇటు క్లాస్ ప్రేక్షకులకు ఎంతగానో నచ్చేసింది. అయితే వాల్తేరు వీరయ్య సినిమాలో చిరంజీవి శృతి హాసన్ హీరో హీరోయిన్లు కాగా రవితేజకు వదిన పాత్రలో శృతి కనిపించనున్నారు.

ఒకే హీరోకు ప్రేయసిగా, భార్యగా, వదినగా కనిపించిన అరుదైన ఘనత శృతి హాసన్ కు దక్కింది. రవితేజ ఈ సినిమాలో గెస్ట్ రోల్ లో కనిపించడానికి ఏకంగా 17 కోట్ల రూపాయల రేంజ్ లో రెమ్యునరేషన్ తీసుకున్నారని ఇండస్ట్రీ వర్గాల్లో వినిపిస్తోంది. రవితేజ ఈ సినిమాలో పోలీస్ ఆఫీసర్ గా కనిపించనుండగా 45 నిమిషాల పాటు రవితేజ పాత్ర సినిమాలో కనిపిస్తుందని సమాచారం.

జనవరి 13వ తేదీన వాల్తేరు వీరయ్య థియేటర్లలో విడుదల కానుండగా ఈ నెల 8వ తేదీన ఈ సినిమా ప్రీ రిలీజ్ ఈవెంట్ జరగనుంది. విశాఖలో జరగనున్న ఈ ఈవెంట్ కోసం మెగా ఫ్యాన్స్ ఆసక్తిగా ఎదురుచూస్తున్నారు.