సొంత ఇల్లు లేదు గుడిలో తల దాచుకునే వాళ్ళం!

September 1, 2022 / 11:34 AM ISTByFilmy Focus

Join Us

సొంత ఇల్లు లేదు గుడిలో తల దాచుకునే వాళ్ళం!

సోషల్ మీడియా అభివృద్ధి చెందిన తర్వాత ప్రతి ఒక్కరు సోషల్ మీడియా వేదికగా వారిలో ఉన్న టాలెంట్ బయట పెడుతూ ఎన్నో రకాల వీడియోలు చేస్తూ సోషల్ మీడియాలో పోస్ట్ చేస్తున్నారు. ఇలా టాలెంట్ ఉన్న వారిని గుర్తించి వారిని అందరికీ పరిచయం చేయడంలో కొన్ని బుల్లితెర కార్యక్రమాలు ముందు వరుసలో ఉంటాయి. ఈ క్రమంలోనే గత కొన్ని రోజుల నుంచి సోషల్ మీడియాలో బంగారం అంటూ ఓ యువతీ రీల్స్ చేస్తూ అందరిని ఎంతగానో ఆకట్టుకుంది.

ఇలా బంగారం అంటూ వీడియోలు చేసే ఈ యువతకి అతి తక్కువ సమయంలోనే విపరీతమైన క్రేజ్ రావడంతో ఈమె ఏకంగా సెలబ్రిటీగా మారిపోయారు. ఈమె పర్ఫామెన్స్ చూసే ఎంతోమంది సరదాగా నవ్వుకున్నారు.అయితే ఈమె టాలెంట్ గుర్తించిన జబర్దస్త్ కార్యక్రమం తనని జబర్దస్త్ వేదిక పైకి తీసుకువచ్చింది. ఈ క్రమంలోని ఈ కార్యక్రమానికి సంబంధించిన ఫోటోలు వీడియోలు వైరల్ అవుతున్నాయి.ఇంస్టాగ్రామ్ రీల్స్ కోసం బంగారం చీ,పోరా అంటూ వీడియోలు చేసి అందరికీ నవ్వు తెప్పించే ఈమె నవ్వుల వెనుక దాగి ఉన్న కన్నీటి గాధ తెలిస్తే ప్రతి ఒక్కరు కన్నీళ్లు పెట్టుకోక మానరు.

బంగారం అనే వీడియోలతో ఫేమస్ అయిన ఈమె ఎవరు ఏంటి అనే విషయానికి వస్తే. బంగారం వీడియోలతో బాగా గుర్తింపు సంపాదించుకున్న పేరు శాంతి. ఈమె ఆంధ్రప్రదేశ్ నెల్లూరు జిల్లా ఆత్మకూరుకి చెందిన యువతి. ఈమె పదవ తరగతి వరకు చదువుకొని అనంతరం కుటుంబ పోషణ నిమిత్తం ఓ దుకాణంలో పనిచేస్తున్నారు.ఇక శాంతి చిన్నగా ఉన్నప్పుడే తన తండ్రి మతిస్థిమితం లేకపోవడంతో ఇల్లు వదిలి వెళ్ళిపోయారు. అయితే తన తండ్రి కోసం ఎన్నో చోట్ల వెతికినప్పటికీ ఎలాంటి ప్రయోజనం లేకపోయింది.

ఈమెకు తల్లితో పాటు మరొక తమ్ముడు కూడా ఉన్నారు. ఇలా నాన్న కనిపించకపోవడంతో చాలామంది తన తల్లి నాన్నను చంపిందని పెద్ద ఎత్తున అమ్మను దూషించారు. కనీసం ఉండటానికి కూడా ఇల్లు లేదు.. అద్దెకు ఎవరు ఇల్లు ఇచ్చేవారు కాదు. ఇలా ఇల్లు లేకపోవడంతో గుడిలో నిద్రపోయే వాళ్ళము.

ఇలా కుటుంబ పోషణ భారం కావడంతో తాను పదవ తరగతి వరకు చదువుకొని ఓ దుకాణంలో పని చేస్తున్నానని తెలిపారు. ఇక అమ్మ ఆరోగ్య పరిస్థితి కూడా అంతంత మాత్రమే ఉందని వారి కోసమే తను చదువు మానేయాల్సి వచ్చిందని తెలిపారు. ఇలా దుకాణంలో పనిచేస్తూనే నటనపై ఆసక్తితో ఇన్స్టాగ్రామ్ రీల్స్ చేస్తూ ఈమె కూడా సెలబ్రిటీగా మారిపోయారు.