Sonu Sood: తంటాలు తెస్తున్న డీప్‌ ఫేక్‌… జాగ్రత్తగా ఉండండంటూ..!

సమస్య ఎవరికొచ్చినా సమస్యే అయితే సెలబ్రిటీలకు వస్తే ఆ సమస్యకు వచ్చే ఎక్స్‌పోజర్‌ ఎక్కువ. ఈ మాట విషయంలో మీకేమైనా డౌట్ ఉందా? అయితే డీప్‌ ఫేక్‌ వీడియోల టాపిక్‌ను ఒకసారి గుర్తు చేసుకోండి. గత కొన్నేళ్లుగా డీప్ ఫేక్‌ ద్వారా చాలా వీడియోలు సిద్ధం చేశారు. వాటిని వైరల్‌ చేసి కొంతమందిని ఇబ్బంది పెట్టారు కూడా. అయితే ఇవన్నీ చేసేవాళ్లను అగంతుకులు అని అంటారు. అంతే ఎవరో వివరాలు లేకుండా చేసే దుర్మార్గులు అని అర్థం.

డీప్‌ ఫేక్‌ను ఆ మధ్య ఒకరు న్యూక్లియర్‌ సైన్స్‌తో పోల్చారు. అంటే ఆ సైన్స్‌తో ప్రజలకు మంచి చేయొచ్చు, అలాగే మానవాళికి అంతం కూడా చేయొచ్చు. ఇలాంటి పరిస్థితి ఇప్పుడు సెలబ్రిటీలకు రావడంతో విషయం పెద్దదవుతోంది. తాజాగా మరో సెలబ్రిటీ దీని బారినపడటంతో మళ్లీ చర్చ మొలైంది. ప్రముఖ కథానాయిక రష్మిక మందన, మాస్టర్‌ బ్లాస్టర్‌ సచిన్‌ టెండుల్కర్‌ తర్వాతి వరుసలో నటుడు సోనూ సూద్‌ కూడా చేరాడు.

కొందరు ఆకతాయిలు సోనూ సూద్‌ ఫేక్‌ వీడియోను రూపొందించి అభిమానులను డబ్బులు అడుగుతున్నారు. దీంతో ఈ విషయంలో జాగ్రత్తగా ఉండాలని సోనూ సూద్‌ సోషల్‌ మీడియాలో పోస్ట్‌ చేశాడు. కొందరు నా డీప్‌ ఫేక్‌ వీడియోను క్రియేట్‌ చేసి అభిమానులతో చాటింగ్‌, వీడియో కాల్‌ చేస్తూ డబ్బులు వసూలు చేసే ప్రయత్నం చేస్తున్నారు. ఆ వీడియోలో ఉన్నది నేనే అనుకుని అనుకొని సైబర్‌ నేరగాళ్ల వలలో పడుతున్నారు అని సోనూ సూద్‌ తెలిపారు.

దయచేసి ఇలాంటి వీడియో కాల్స్‌ వస్తే నమ్మకండి జాగ్రత్తగా ఉండండి అని (Sonu Sood) సోనూ కోరారు. నిజ జీవితంలో జరిగిన ఇలాంటి ఘటనల మీదే తాను ‘ఫతే’ అనే సినిమా తీస్తున్నట్లు కూడా చెప్పారు. డీప్ ఫేక్‌, లోన్‌ యాప్స్‌ వల్ల జరుగుతున్న సైబర్‌ నేరాలను అందులో చూపించనున్నట్లు సోనూ చెప్పారు. అంటే ఏ సమస్య మీద సినిమా తీస్తున్నాడో అదే సమస్య తనకు ఎదురైందన్నమాట. అలియా భట్‌, కాజోల్‌, కత్రినా కైఫ్‌, ప్రియాంక చోప్రా కూడా ఈ సమస్యను ఎదుర్కొన్నారు.

My film FATEH is inspired by real life incidents involving Deep Fake and fake loan apps.
This is the latest incident where someone tried to extract money from an unsuspecting family, by chatting with them through video call pretending to be Sonu sood.
Many innocent individuals… pic.twitter.com/cXNBsa4nvC

— sonu sood (@SonuSood) January 18, 2024

గుంటూరు కారం సినిమా రివ్యూ & రేటింగ్!

హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!