నెటిజెన్ వింత కోరికకు సోనూసూద్ ఘాటు కౌంటర్…!

‘మంచితనం ఈ రోజుల్లో అస్సలు పనికిరాదు’ అని చాలా మంది పెద్దవాళ్ళు.. తమ అనుభవం కొద్దీ చెబుతుంటారు. వాళ్ళు అలా ఎందుకు చెబుతారో.. సోనూసూద్ వంటి మంచి నటుల వల్ల అర్ధంచేసుకోవచ్చు. కరోనా వల్ల ఏర్పడిన లాక్‌డౌన్ సమయంలో.. గమ్య స్థలాలకు చేరుకోలేక పస్తులు ఉంటున్న ఎంతో మంది వలస కూలీలను అతను ఆదుకున్నాడు. అంతేకాదు తెలుగురాష్ట్రాల్లో పేద రైతులకు కూడా అతను అండగా నిలిచాడు. సినిమాల్లో విలన్ అయినప్పటికీ..

నిజ జీవితంలో హీరో అనిపించుకున్నాడు సోనూసూద్. తన సోషల్ మీడియా ద్వారా కష్టాల్లో ఉన్నవారిని ఆదుకోవడానికి ముందుకొస్తున్నాడు సోనూ. అయితే ఇతని మంచితనాన్ని కొంతమంది ఆకతాయిలు కామెడీ చేసే ప్రయత్నం చేస్తున్నారు. వివరాల్లోకి వెళితే.. తాజాగా ఓ నెటిజెన్ సోనూసూద్ కు ట్వీట్ చేస్తూ…. ‘మాల్దీవులకు వెళ్లాలని ఉంది. నాకు సాయం చెయ్యి బ్రో’ అంటూ పేర్కొన్నాడు. దానికి సోనూసూద్ కు కోపం వచ్చినట్టు ఉంది. ‘మాల్దీవులకి వెళ్లడానికి సైకిల్ కావాలా? రిక్షా కావాలా?’ అంటూ ఘాటు కౌంటర్ ఇచ్చాడు.

మొన్నటికి మొన్న ‘వి’ చిత్రం కోసం అమెజాన్ ప్రైమ్ మెంబర్ షిప్ కావాలని ఓ నెటిజెన్ అడిగితే.. ‘మెంబెర్ షిప్ సరిపోతుందా లేక టీవీ.. ఎసి కూడా కావాలా?’ అంటూ కౌంటర్ ఇచ్చాడు సోనూ సూద్.

Most Recommended Video

‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?