Vakeel Saab: పవన్ సినిమాలో సర్ప్రైజ్ అదేనా..?

లాక్ డౌన్ అనంతరం టాలీవుడ్ లో విడుదలవుతోన్న భారీ సినిమా ‘వకీల్ సాబ్’. మరో వారం రోజుల్లో ఈ సినిమా ప్రేక్షకుల ముందుకు రానుంది. ఈ సినిమాపై ప్రేక్షకుల్లో ఏ స్థాయిలో అంచనాలు ఉన్నాయో ప్రత్యేకంగా చెప్పనక్కర్లేదు. ఇటీవల సినిమా ట్రైలర్ విడుదలైనప్పుడు ఫ్యాన్స్ చేసిన హడావిడి అంతా ఇంతా కాదు. ట్రైలర్ కే సందడి ఓ రేంజ్ లో ఉంటే ఇక సినిమా విడుదలైనప్పుడు ఎంత హంగామా నెలకొంటుందో ఊహించుకోవచ్చు.

అయితే సినిమాలో ఫ్యాన్స్ కోసం చాలా సర్ప్రైజ్ లు ఉన్నాయని ప్రచారం సాగుతుంది. ‘పింక్’ సినిమాలో లేని ఫ్లాష్ బ్యాక్ ఎపిసోడ్ ని ‘వకీల్ సాబ్’లో పెట్టారు. అదొక పెద్ద సర్ప్రైజ్ లా ఉంటుందని అంటున్నారు. అలానే సంగీత దర్శకుడు తమన్ ఓ ఇంటర్వ్యూలో సినిమా సెకండ్ హాఫ్ లో స్పెషల్ సర్ప్రైజ్ ఉందని.. ఫ్యాన్స్ అది చూసి వెర్రెత్తిపోతారని అన్నాడు. దీంతో ఆ సర్ప్రైజ్ ఏమై ఉంటుందా అని చర్చలు నడుస్తున్నాయి.

కానీ ఒక క్యామియో రోల్ గురించే ఈ చర్చంతా అని సమాచారం. ఒక మెగాహీరో ఈ సినిమాలో కనిపించబోతున్నారని.. కొన్ని నిమిషాలు మాత్రమే ఆ పాత్ర ఉంటుందని.. అది మెగాభిమానులకు ఎంతో ఉత్సాహాన్నిస్తుందని చెబుతున్నారు. ఆ క్యామియో చిరంజీవి చేశారా..? లేక ఆయన తనయుడు రామ్ చరణ్ చేశారా..? ఇంకెవరైనా మెగాహీరోనా..? అనేది చూడాలి.

Most Recommended Video

రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!