Srihari, Pushpa: ‘పుష్ప’ మేనరిజంని పరిచయం చేసింది శ్రీవారే.. వీడియో వైరల్!

అల్లు అర్జున్ (Allu Arjun) కథానాయకుడిగా సుకుమార్ (Sukumar) దర్శకత్వంలో తెరకెక్కిన ‘పుష్ప'(Pushpa)   సినిమా ఎంత పెద్ద సక్సెస్ అందుకుందో ప్రత్యేకంగా చెప్పనవసరం లేదు. 2021 డిసెంబర్లో రిలీజ్ అయిన ఈ సినిమా మొదటి షోతోనే మిక్స్డ్ టాక్ మూటగట్టుకున్నప్పటికీ.. 50 శాతం సీటింగ్ కెపాసిటీ, తక్కువ టికెట్ రేట్లతో కూడా ఆ సినిమా బాక్సాఫీస్ వద్ద భారీ కలెక్షన్స్ సాధించింది. ఓ రకంగా తెలుగులో కంటే కూడా ఈ సినిమా హిందీలో పెద్ద సక్సెస్ సాధించింది అని చెప్పాలి.

అల్లు అర్జున్ ‘పుష్ప’ మేనరిజమ్స్, డైలాగ్స్ అక్కడి ప్రేక్షకులకు బాగా నచ్చేశాయి. నార్త్ లో అల్లు అర్జున్ కి ఎలాంటి క్రేజ్ ఉందో.. దేశమంతా తెలియజేసింది ‘పుష్ప’ సినిమా అనడంలో ఎటువంటి సందేహం లేదు. ఇదిలా ఉండగా.. ‘పుష్ప’ లో అల్లు అర్జున్ ‘గూను’ ఉన్న యువకుడిగా కనిపిస్తాడు. ఒక సైడ్ వంగి నడిచే సీన్ కూడా అల్లు అర్జున్ వల్లే బాగా ఫేమస్ అయ్యింది అని చెప్పాలి. అయితే ఈ మేనరిజం గురించి సోషల్ మీడియాలో ఎప్పటికప్పుడు చర్చలు జరుగుతూనే ఉంటాయి.

గతంలో ఓ సందర్భంగా అల్లు అర్జున్ ఈ మేనరిజం చేసి చూపించాడు అంటూ వీడియోలు వైరల్ అయ్యాయి. అయితే ‘పుష్ప’ లాంటి వాకింగ్ స్టైల్ గతంలో శ్రీహరి (Srihari) కూడా ఓ సినిమాలో వాడారు. అదే ‘పృథ్వీ నారాయణ’ సినిమాలో అని తెలుస్తుంది. ‘చంద్రముఖి’ (Chandramukhi) వంటి చిత్రాన్ని తెరకెక్కించిన పి.వాసు (Vasudevan Peethambaran) ఈ చిత్రానికి దర్శకుడు కావడం విశేషం. ఇక ఈ సినిమాలోని ఓ వీడియో ఇప్పుడు వైరల్ అవుతుంది. మీరు కూడా ఓ లుక్కేయండి :

https://twitter.com/phanikumar2809/status/1772302914104521049

సైలెంట్ గా పెళ్లి పీటలెక్కిన ‘బిగిల్’ నటి ఇంద్రజ..!

కర్ణాటకలో సినిమాలు బ్యాన్‌ అంటున్నారు… మన దగ్గరా అదే చేస్తారా?
ఈ వారం థియేటర్/ ఓటీటీల్లో రిలీజ్ కాబోతున్న 18 సినిమాలు/ సిరీస్..ల లిస్ట్