శ్రీనివాస్ రెడ్డితో ఎన్టీఆర్ కి గొడవలేమీ లేవు!

“అజ్ణాతవాసి” తర్వాత త్రివిక్రమ్ తెరకెక్కిస్తున్న చిత్రం “అరవింద సమేత వీరరాఘవ”. ఎన్టీఆర్-పూజా హెగ్డే జంటగా తెరకెక్కుతున్న ఈ చిత్రం రెగ్యులర్ షూట్ మొదలై ఆల్రెడీ రెండు షెడ్యూల్స్ కూడా పూర్తి చేసుకొంది. అంతా బాగానే సాగుతున్నప్పటికీ.. సినిమా టీం లో చిన్న చిన్న గొడవలు జరుగుతున్నాయని.. ముఖ్యంగా హీరో ఎన్టీయార్ కి, కమెడియన్ గా నటిస్తున్న శ్రీనివాసరెడ్డికి పడడం లేదని కొన్ని వెబ్ సైట్స్ లో వార్తలు రావడంతో ఈ గోల ఏంట్రా అనుకొన్నారో ఏమో కానీ.. సడన్ గా శ్రీనివాసరెడ్డితో ఎన్టీయార్ & త్రివిక్రమ్ కలిసి ఉన్న ఒక ఫోటోను పోస్ట్ చేశారు ట్విట్టర్ లో. ఈ ఫోటో వచ్చిన తర్వాత కన్ఫ్యూజన్ అంతా క్లియర్ అవుతుందనుకొన్నారందరూ.

కట్ చేస్తే.. గొడవలు ఇంకా సర్ధుమణగలేదని ఏదో కవరింగ్ కోసం అలా ఫోటో పోస్ట్ చేశారని మళ్ళీ కథనాలు ప్రచురితమయ్యాయి. దాంతో ఏం చేయాలో పాలుపోని చిత్రబృందం మిన్నకుండిపోగా.. ఆ కథనాలు పేట్రేగిపోయాయి. దాంతో త్రివిక్రమ్ రంగంలోకి దిగి తనకు తెలిసిన కొందరు మీడియా మిత్రులకు తన పి.ఆర్ టీం కి ఈ ఇష్యూ వెంటనే ఎండ్ అయిపోవాలని సూచించాడట. ప్రస్తుతం వాళ్ళందరూ ఆ పనిలో ఉన్నారు.