Rajamouli: ఊరికే అనలేదుగా జక్కన్న అని.. ఇలానే ఉంటుంది..!

రాజమౌళి (S. S. Rajamouli)  సినిమా అంటే ఆడియన్స్ లో ఒక రకమైన క్యూరియాసిటీ ఉంటుంది. ఎందుకంటే జక్కన్న సినిమాలు అన్నీ నెక్స్ట్ లెవెల్లో ఉంటాయి. పెద్ద బడ్జెట్, పెద్ద హీరో, పెద్ద స్పాన్.. ఇలా అన్నీ నెక్స్ట్ లెవెల్లోనే ఉంటాయి. అందుకే రాజమౌళి సినిమా గురించి ఎటువంటి అప్డేట్ వచ్చినా.. ఆడియన్స్ ఎగబడి తెలుసుకుంటారు. అదే సమయంలో ఆయన సినిమాలకు సంబంధించిన ఎటువంటి లీక్స్ వచ్చినా.. అవి ప్రపంచ వ్యాప్తంగా వైరల్ అయిపోతూ ఉంటాయి.

Rajamouli

‘ఆర్.ఆర్.ఆర్’ (RRR) విషయంలో ఇలాంటివి ఎన్నో చూశాం. కానీ మహేష్ బాబు (Mahesh Babu)  సినిమా విషయంలో ఇలాంటివి జరగకుండా రాజమౌళి (Rajamouli) తన టీంకి స్ట్రిక్ట్ రూల్స్ పాస్ చేసినట్టు వినికిడి. అవును మహేష్ బాబు 29వ సినిమా షూటింగ్ త్వరలో ప్రారంభం కానుంది. 2 నెలల పాటు ఈ షెడ్యూల్ జరుగుతుందని వినికిడి. హాంకాంగ్ లో కొన్ని కీలక సన్నివేశాలు తీస్తారట. తర్వాత హైదరాబాద్ పరిసర ప్రాంతాల్లో వేసిన సెట్స్ లో అదే షెడ్యూల్లో మిగతా సీన్లు చిత్రీకరిస్తారు అని సమాచారం.

అయితే హైదరాబాద్లో జరిగే షెడ్యూల్లో పాల్గొనే నటీనటులు అలాగే జూనియర్ ఆర్టిస్టులు.. సెట్స్ లో అడుగుపెట్టే ముందే అంటే ఎంట్రీ వద్ద తమ ఫోన్లు ఇచ్చేసి.. తమ పేరు, ఫోన్ నెంబర్ వంటి వివరాలు ఇచ్చి సెట్స్ లోకి రావాలట. అంతేకాదు సెట్స్ లో ఉంటే.. స్టాఫ్ చేతుల్లో కూడా వాకీ టాకీలు వంటివి తప్ప ఫోన్లు ఉండకూడదట. తమ సినిమాకు సంబంధించి సోషల్ మీడియాలో ఎటువంటి క్లిప్స్ లీక్ అవ్వకుండా రాజమౌళి (Rajamouli) ఈ నిర్ణయం తీసుకున్నట్లు తెలుస్తుంది.

అలాగే జూనియర్ ఆర్టిస్టులు అందరికీ మంచి ఫుడ్ ఏర్పాటు చేస్తున్నారట. అది కూడా కొంతమంది స్టాఫ్ ని పెట్టి.. వంటలు చేయించాలట.ఎందుకంటే వేరే ఫుడ్డు తిని ఎవరి హెల్త్ అప్సెట్ అవ్వకూడదు.. షూటింగ్ కి మానేయకూడదు అనేది రాజమౌళి ఆలోచన. అంతేకాదు దగ్గర్లో మెడికల్ ఎమర్జెన్సీ వంటి కేంద్రాలు కూడా ఏర్పాటు చేయాలని రాజమౌళి ఆదేశించారట. ఎవరైనా గాయపడితే వెంటనే అక్కడికి తరలించి ఫస్ట్ ఎయిడ్ వంటివి చేస్తారు. ఇంకా ఇలాంటివి చాలా ఉన్నాయని వినికిడి.