Mahesh Babu,Trivikram: ‘మహేష్ 28’ రిలీజ్ డేట్ ను ప్రకటించిన చిత్ర బృందం..!

August 18, 2022 / 05:43 PM ISTByFilmy Focus

Join Us

Mahesh Babu,Trivikram: ‘మహేష్ 28’ రిలీజ్ డేట్ ను ప్రకటించిన చిత్ర బృందం..!

‘సర్కారు వారి పాట’ తర్వాత మహేష్ బాబు హీరోగా త్రివిక్రమ్ దర్శకత్వంలో ఓ చిత్రం తెరకెక్కుతున్న సంగతి తెలిసిందే.మహేష్ బాబు కెరీర్లో 28వ చిత్రంగా తెరకెక్కుతున్న ఈ చిత్రాన్ని ‘హారిక అండ్ హాసిని క్రియేషన్స్’ బ్యానర్ పై ఎస్.రాధా కృష్ణ నిర్మిస్తున్నారు. నిజానికి ఈ చిత్రం షూటింగ్ ఎప్పుడో ప్రారంభం కావాల్సి ఉండగా.. అనేక కారణాల వల్ల వాయిదా పడుతూ వస్తోంది. ఎట్టకేలకు ఈ నెలాఖరు(ఆగస్టు చివర్లో) నుండి షూటింగ్ ప్రారంభం కానుంది.

ఇదిలా ఉండగా.. ఈ చిత్రానికి సంబంధించి ఓ ఇంట్రెస్టింగ్ అప్డేట్ ఇవ్వబోతున్నట్లు చిత్ర బృందం ప్రకటించిన సంగతి తెలిసిందే. ఆ సస్పెన్స్ కు తెర దించుతూ రిలీజ్ డేట్ ను ప్రకటించింది. 2023 ఏప్రిల్ 28న మహేష్- త్రివిక్రమ్ ల మూవీ విడుదల కానుందని చిత్ర బృందం కొద్దిసేపటి క్రితం ప్రకటించింది.ఆ రిలీజ్ డేట్ కు చాలా ప్రత్యేకత ఉంది. మహేష్ బాబు గతంలో నటించిన ‘పోకిరి’ చిత్రం ఏప్రిల్ 28 నే రిలీజ్ అయ్యి ఇండస్ట్రీ హిట్ గా నిలిచింది.

ఆ తర్వాత మహేష్ నటించిన ఏ మూవీ కూడా ఈ డేట్ కి రిలీజ్ కాలేదు. మళ్ళీ 17 ఏళ్ళ తర్వాత ‘పోకిరి’ రిలీజ్ డేట్ కు మహేష్ సినిమా రిలీజ్ కాబోతుంది. దీనికి త్రివిక్రమ్ శ్రీనివాస్ దర్శకుడు కావడంతో అంచనాలు తారా స్థాయికి చేరుకుంటున్నాయి. ఇక ఈ చిత్రానికి తమన్ సంగీతం అందిస్తుండగా.. పూజా హెగ్డే హీరోయిన్ గా నటిస్తుంది. ‘భీమ్లా నాయక్’ లో రానా భార్యగా నటించిన సంయుక్త మేనన్ కూడా ఈ మూవీలో కీలక పాత్ర పోషిస్తున్నట్టు భోగట్టా.